கருணாநிதிக்கு எதிரான போஸ்டர்கள்: திருச்சியில் டென்ஷன்!

திண்டிவனம்:

திமுக தலைவர் கருணாநிதிக்கு எதிராக திருச்சி மற்றும் திண்டிவனம் நகர்களில் ஒட்டப்பட்ட சுவரொட்டிகளால் பெரும் பரபரப்பு ஏற்பட்டது.

திருச்சி மற்றும் திண்டிவனம் நகர்களில் சில இடங்களில் ராஜீவ் பேரவை என்ற பெயரில் சுவரொட்டிகள் ஒட்டப்பட்டிருந்தன. இதில், போபர்ஸ் பீரங்கி விவகாரத்தில்பொய்க் குற்றச்சாட்டு கூறிய கருணாநிதியே, கம்யூனிஸ்டே (கம்யூனிஸ்ட் கட்சிகள்) மன்னிப்பு கேள் என்று வாசகங்கள் இடம் பெற்றிருந்தன.

இந்த திடீர் சுவரொட்டிகளை யார் ஒட்டியது என்பது தெரியவில்லை. காங்கிரஸ் கட்சியைச் சேர்ந்த சிலரே இதை ஒட்டியதாக பொதுமக்களில் ஒரு தரப்பினரும், அதிமுகதான் இதன் பின்னணியில் இருப்பதாக மறு தரப்பினரும் கருதுகிறார்கள்.

இந்த சுவரொட்டிகள் திமுகவினர் மத்தியில் பெரும் கொந்தளிப்பை ஏற்படுத்தியுள்ளது. சுவரொட்டிகளை அவர்கள் கிழித்து எறிந்து வருகின்றனர். சுவரொட்டிவிவகாரத்தால் திருச்சி மற்றும் திண்டிவனத்தில் பரபரப்பு நிலவுகிறது.