காதலை மறுத்த பெண்ணுக்கு சிகரெட் சூடு!

சென்னை:

காதலை ஏற்க மறுத்த பெண்ணுக்கு சிகரெட்டால் சூடு வைத்த வாலிபரை போலீஸார் கைது செய்தனர்.

அம்பத்தூரைச் சேர்ந்தவர் ரவிக்குமார் (வயது 21). இவர் ஓட்டேரி பகுதியைச் சேர்ந்த ஷர்மிளா (வயது 17) என்ற பெண்ணிடம்அடிக்கடி சென்று தனது காதலைக் கூறியுள்ளார். ஆனால் ரவிக்குமாரின் காதலை ஷர்மிளா நிராகரித்து விட்டார். இருப்பினும்தொடர்ந்து ஷர்மிளாவை விரட்டி விரட்டி காதலித்துள்ளார் ரவிக்குமார்.

இந் நிலையில் வெள்ளிக்கிழமை மாலை ஷர்மிளாவை ஒரு இடத்தில் வைத்து மடக்கிய ரவிக்குமார், தனது காதலை ஏற்குமாறுகூறியுள்ளார். ஆனால் ஷர்மிளா மறுத்துள்ளார். இதனால் கடுப்பாகிப் போன ரவிக்குமார், சட்டைப் பையில் வைத்திருந்தசிகரெட்டை எடுத்து பற்ற வைத்து, அதனால் ஷர்மிளாவின் உடலில் சூடு போட்டுள்ளார்.

காயம் பட்டு அலறிய ஷர்மிளாவை அக்கம் பக்கத்தில் உள்ளோர் விரைந்து சென்று காப்பாற்றினர்.

இதுகுறித்து ஓட்டேரி போலீஸில் ஷர்மிளாவின் பெற்றோர் புகார் கொடுத்தனர். அதன் பேரில் காதல் சூடு போட்ட ரவிக்குமாரைபோலீஸார் கைது செய்தனர்.