ரஷ்யாவில் சோனியா: சிவப்பு கம்பள வரவேற்பு

மாஸ்கோ:

காங்கிரஸ் தலைவர் சோனியா காந்தி இன்று ரஷ்யா சென்றார். மாஸ்கோவில் அவருக்கு மிகச் சிறப்பான வரவேற்பு அளிக்கப்பட்டது.

சோனியா காந்தி 4 நாள் சுற்றுப் பயணமாக ரஷ்யா புறப்பட்டு சென்றார். இன்று காலை மாஸ்கோ சென்ற அவருக்கு விமான நிலையத்தில் சிறப்பான வரவேற்புஅளிக்கப்பட்டது. ரஷ்ய துணை வெளியுறவுத் துறை அலெக்சாண்டர் சால்டனோவ், துணை ரயில்வே அமைச்சர் விளாடிமிர் யாகுனின் மற்றும் அதிகாரிகள்சோனியாவை வரவேற்றனர்.

இன்று அவர் மாஸ்கோ அருகிலுள்ள பழம் பெருமை மிக்க நகரமான விளாடிமிர் செல்கிறார்.

15ம் தேதி (புதன்கிழமை) ரஷ்ய அதிபர் விளாடிமிர் புடினை சோனியா காந்தி சந்தித்து பேசுகிறார். செயின்ட் பீட்டர்ஸ்பர்க் நகரில் இந்த சந்திப்பு நடைபெறுகிறது. இந்தசந்திப்பின் போது இருவரும் இந்தியா-ரஷ்யா இடையேயான நல்லுறவு குறித்து பேசுகிறார்கள்.

ரஷ்ய பிரதமர் மிக்கேல் பிராட்கோவையும் சோனியா சந்தித்து பேசுகிறார்.

சோனியா காந்தியின் ரஷ்ய வருகை இரு நாடுகளுக்கு இடையே நிலவி வரும் நல்லுறவை மேலும் வளர்க்கும் என்று ரஷ்யாவுக்கான இந்திய தூதர் கன்வல் சிபல்தெரிவித்தார்.

சோனியாவுடன் இந்திய வெளியுறவுத் துறை அமைச்சர் நட்வர் சிங்கும் ரஷ்யா சென்றுள்ளார்.