• search
For Quick Alerts
ALLOW NOTIFICATIONS  
For Daily Alerts

விரைவில் மத்திய அமைச்சரவை மாற்றம்: பல கவர்னர்களுக்கும் கல்தா

By Staff
|

டெல்லி:

மத்திய அமைச்சரவை இன்னும் ஒரு சில தினங்களில் மாற்றம் செய்யப்படுகிறது. ஜி.கே. வாசன், பாண்டிச்சேரியைச்சேர்ந்த பாட்டாளி மக்கள் கட்சி எம்பி பேராசிரியர் ராமதாஸ் ஆகியோருக்கு அமைச்சர் பதவி வழங்கப்படுகிறது.

அதே போல 12 மாநில கவர்னர்களையும் மாற்றவும் முடிவு செய்யப்பட்டுள்ளது.

இது தொடர்பாக பாராளுமன்ற விவகாரத் துறை அமைச்சர் குலாம் நபி ஆசாத், காங்கிரஸ் தலைவர் சோனியாகாந்தியுடன் ஆலோசனை நடத்தினார். இதன் பிறகு ஆசாத், பிரதமர் மன்மோகன் சிங்கை சந்தித்துப் பேசினார்.

இதைத் தொடர்ந்து இந்த வார இறுதியிலோ அல்லது அடுத்த வாரத் தொடக்கத்திலோ அமைச்சரவை மாற்றம்குறித்த அறிவிப்பு வெளியாகலாம் என்று எதிர்பார்க்கப்படுகிறது.

புதிய அமைச்சரவையில் தமிழக காங்கிரஸ் தலைவர் வாசனும் சேர்க்கப்படுகிறார்.

அதேபோல, புதுவையைச் சேர்ந்த பாமக எம்.பி. ராமதாஸும் மத்திய அமைச்சராகிறார். பாமகவுக்கு ஏற்கனவே 2 அமைச்சர்கள்உள்ளனர் (டாக்டர் அன்புமணி ராமதாஸ், ஆர்.வேலு,). இந் நிலையில் 3வதாக ஒரு அமைச்சரை பாமக பெறவுள்ளது.

புதிய அமைச்சரவைக்கு ராகுல் காந்தி, மறைந்த ராஜேஷ் பைலட்டின் மகன் சச்சின் பைலட் போன்ற இளம் ரத்தத்தைபாய்ச்சவும் முடிவு செய்யப்பட்டுள்ளதாக தெரிகிறது.

இவர்கள் தவிர கேரளாவிலிருந்து முன்னாள் முதல்வர் ஏ.கே.அந்தோணி அல்லது வயலார் ரவி, காங்கிரஸ் பொதுச் செயலாளர்அம்பிகா சோனி, செய்தித் தொடர்பாளர் ஆனந்த் சர்மா, முன்னாள் ஜார்க்கண்ட் முதல்வர் சிபு சோரன், பவன் குமார் பன்சால்,சந்திரசேகர் சாஹு உள்ளிட்டோரும் மத்திய அமைச்சர்களாக பதவியேற்கவுள்ளனர்.

கவர்னர்கள் மாற்றம்:

அமைச்சரவை மாற்றத்திற்குப் பிறகு மாநில கவர்னர்களும் மாற்றப்படுகின்றனர். 12 மாநில கவர்னர்கள் மாற்றப்படுவார்கள் என்றுதெரிகிறது.

பதவி விலகும் மத்திய அமைச்சர்களில் சிலர், கவர்னர்களாக நியமிக்கப்படலாம் கூறப்படுகிறது. மேலும் 5 ஆண்டுகள் கவர்னர்பதவி வகித்தவர்களும் மாற்றப்படுவர் என்று தெரிகிறது.

Mail this to a friend  Post your feedback  Print this page 

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X