புதிய அரசு பொது மருத்துவமனை: ஜெ. இன்று திறக்கிறார்

சென்னை:

சென்னையில் ரூ. 104 கோடி மதிப்பில் கட்டப்பட்டுள்ள அரசு பொது மருத்துவமனையின் புதிய கட்டடங்களை முதல்வர்ஜெயலலிதா இன்று திறந்து வைக்கிறார்.

சென்னை அரசு பொது மருத்துவமனையின் பழைய கட்டடங்கள் இடிக்கப்பட்டு அந்த இடத்தில் புதிதாக தலா 7 மாடிகளைக்கொண்ட இரண்டு கட்டடங்கள் ரூ. 104 கோடியில் கட்டப்பட்டுள்ளன.

இவற்றில் அதி நவீன மருத்துவ சாதனங்கள், படுக்கை வசதிகள், அறுவைச் சிகிச்சை அரங்குகள் உள்ளிட்டவை இடம்பெற்றுள்ளன.

புதிய மருத்துவமனையில் 1,650 படுக்கைகள் உள்ளன. 16 அறுவைச் சிகிச்சை அரங்குகள் இடம் பெற்றுள்ளன. குளு குளு வசதிசெய்யப்பட்ட 120 வார்டுகளும் உள்ளன. ஆசியாவிலேயே மிகப் பெரிய அரசு பொது மருத்துவமனையாக இதுஉருவாகியுள்ளது.

இவற்றின் திறப்பு விழா இன்று நடைபெறுகிறது. பகல் 1 மணியளவில் நடைபெறும் நிகழ்ச்சியில் முதல்வர் ஜெயலலிதா கலந்துகொண்டு புதிய கட்டடங்களைத் திறந்து வைக்கிறார்.