சேது: தமிழக அரசு புறக்கணித்தது வேதனை தருகிறது- ப. சிதம்பரம்

சென்னை:

சேது சமுத்திரத் திட்ட தொடக்க விழாவை தமிழக அரசு புறக்கணித்தது துரதிர்ஷ்டவசமானது என்று மத்திய நிதியமைச்சர் ப.சிதம்பரம் கூறினார்.

தமிழர்களின் 150 ஆண்டு கனவான சேது சமுத்திரம் திட்டம் நேற்று நனவானது. மதுரையில் நடைபெற்ற விழாவில் பிரதமர்மன்மோகன் சிங் இந்த திட்டத்தை தொடங்கி வைத்தார். தொடக்க விழாவில் காங்கிரஸ் தலைவர் சோனியா காந்தி, திமுகதலைவர் கருணாநிதி, வைகோ மற்றும் மத்திய அமைச்சர்கள் கலந்து கொண்டனர்.

இந்த விழாவில் தமிழக முதல்வரோ, அல்லது தமிழக அரசிசின் சார்பிலோ யாரும் கலந்து கொள்ளவில்லை.

இந் நிலையில் மத்திய நிதியமைச்சர் ப. சிதம்பரம் சென்னை விமான நிலையத்தில் நிருபர்களிடம் கூறுகையில், சேது சமுத்திரத்திட்ட தொடக்க விழாவில் தமிழக முதல்வர் ஜெயலலிதா கலந்து கொள்ளாதது துரதிர்ஷ்டவசமானது, வருத்தமளிக்கக் கூடியது.

சென்னையில் கடல் நீரை குடிநீராக்கும் திட்டம் விரைவில் தொடங்கும். இதற்காக நான்கு நிறுவனங்களிடமிருந்து டெண்டர்கள்கோரப்பட்டுள்ளன என்றார்.