இரான் அதிபராக மெஹ்மூத் பதவியேற்பு

தெஹ்ரான்:

இரானின் புதிய அதிபராக மெஹ்மூத் அகமதிநிஜாத் இன்று பதவியேற்றுக் கொண்டார்.

கடந்த ஜூன் மாதத்தில் நடந்த தேர்தலில் வென்ற மெஹ்மூதுக்கு இரானின் சக்தி வாய்ந்த மூத்த மத குரு அலி கொமேனி பதவிப்பிரமானம் செய்து வைத்தார்.

1981ல் நடந்த இரானிய புரட்சிக்குப் பின் பதவியேற்கும் 6வது ஜனாதிபதி இவர். தீவிர மத நம்பிக்கை கொண்டவர் என்றாலும்இவர் மதத் தலைவர் அல்ல. மதத் தலைவர் அல்லாத ஒருவர் இரானிய ஜனாதிபதியாவது கடந்த 25 ஆண்டுகளில் இதுவே முதல்முறையாகும்.

இரானின் அணு ஆயுதத் தயாரிப்புத் திட்டங்கள் தொடர்பாக அமெரிக்காவும் பிரிட்டனும் கடும் நெருக்குதல் தந்துகொண்டிருக்கும் நிலையில் மெஹ்மூத் இந்தப் பதவியை ஏற்றுள்ளார்.

தனது அணு ஆராய்ச்சி மையங்களை ஐ.நாவின் அணு சக்திப் பிரிவின் பார்வையாளர்களுக்குத் திறந்துவிடுவதில் இரான்தொடர்ந்து தாமத்தித்து வருகிறது. இதையடுத்து இரானுக்கு அமெரிக்கா, பிரிட்டனுடன் ஜெர்மனி, பிரான்ஸ் ஆகிய நாடுகளும்கடும் எச்சரிக்கை விடுத்துள்ளன.

இந் நிலையில் அதிபராகியுள்ளார் மெஹ்மூத்.