எம்.பி. தொகுதி ரத்து: மயிலாடுதுறையில் கடையடைப்பு

மயிலாடுதுறை:

மயிலாடுதுறை மக்களவைத் தொகுதியை மறு சீரமைப்புக் குழு ரத்து செய்ததைக் கண்டித்து மயிலாடுதுறை தொகுதியிலும்அத்தொகுதிக்குட்பட்ட 3 சட்டசபைத் தொகுதிகளிலும் இன்று முழுக் கடையடைப்பு நடந்து வருகிறது.

தமிழகத்தில் மக்களவை மற்றும் சட்டசபைத் தொகுதிகள் மாற்றியமைக்கப்பட்டுள்ளன. அதன்படி மயிலாடுதுறை மக்களவைத்தொகுதி ரத்து செய்யப்பட்டு, அருகில் உள்ள சிதம்பரம் தொகுதியுடன் இணைக்கப்படுகிறது. இதேபோல சீர்காழி, பூம்புகார்,குத்தாலம் ஆகிய தொகுதிகளும் ரத்து செய்யப்படுகின்றன.

இதைக் கண்டித்து மயிலாடுதுறை மற்றும் 3 சட்டசபைத் தொகுதிகளிலும் முழுக் கடையடைப்பு நடத்த அனைத்துக் கட்சிகள்மற்றும் வர்த்தக சங்கங்கள் முடிவு செய்தன. அதன்படி செவ்வாய்க்கிழமை காலை முதல் கடையடைப்பு தொடங்கியது.

இதனால் அனைத்து வர்த்தக நிறுவனங்களும் மூடிக் கிடக்கின்றன. பள்ளி, கல்லூரிகள், திரையரங்குகள் மூடப்பட்டுள்ளன. பஸ்போக்குவரத்தும் பாதிக்கப்பட்டுள்ளது.