• search
For Quick Alerts
ALLOW NOTIFICATIONS  
For Daily Alerts

பத்திரமாய் தரையிறங்கியது டிஸ்கவரி

By Staff
|

ஹூஸ்டன்:

டிஸ்கவரி விண்கலம் 7 விண்வெளி வீரர்களுடன் இன்று பத்திரமாகத் தரையிறங்கியது.

பெரும் பரபரப்புக்கிடையே இந்திய நேரப்படி இன்று மாலை கலிபோர்னியாவிலுள்ள எட்வர்ட்ஸ் விமானப்படை தளத்தில்தரையிறங்கியது.

கடந்த மாதம் 26ம் தேதி விண்ணில் ஏவப்பட்ட டிஸ்கவரி ஓடம், 13 நாட்கள் விண்வெளிப் பயணத்திற்குப் பிறகு நேற்றுபிற்பகலில் தரையிறங்க இருந்தது.

புளோரிடாவில் உள்ள கேப் கனவெரால் கென்னடி விண்வெளி மையத்தில் டிஸ்கவரியை தரையிறக்க திட்டமிடப்பட்டிருந்தது.ஆனால் விண்வெளி மையம் அமைந்திருந்த பகுதியில் அடர்த்தியான மேகமூட்டம் காணப்பட்டதால் திட்டம் கைவிடப்பட்டுஇன்று தரையிறங்க ஏற்பாடு செய்யப்பட்டது.

ஆனால் இன்றும் வானிலையில் எந்த மாற்றமும் ஏற்படவில்லை. இதையடுத்து இரு முறை தரையிறங்குவது தவிர்க்கப்பட்டது.

இதைத் தொடர்ந்து கலிபோர்னியாவிலுள்ள எட்வர்ட்ஸ் விமானப்படை தளத்தில் அதை தரையிறக்க முடிவு செய்யப்பட்டது.மாலை 5.30 மணியளவில் டிஸ்கவரி வெற்றிகரமாக அங்கு தரையிறங்கியது.

Discovery Shuttle returning back to earth
(படம் நன்றி- பிபிசி)


டிஸ்கவரி தரையிறங்கியது எப்படி?

ஷட்டில் எனப்படும் விண்வெளிக் கலங்கள் பூமிக்குத் திரும்பும்போது பல்வேறு சவால்களை சந்திக்கின்றன.

பூமியின் வாயு மண்டலத்திற்குள் நுழையும்போது ஏற்படும் உராய்வினால் விண்கலத்தைச் சுற்றி வெப்ப வாயுக்கள் (பிளாஸ்மா)உருவாகும். ஒரு தீப் பந்தமாகவே டிஸ்கவரி பூமிக்குள் நுழையும். இந்த வெப்பத்தை அதன் வெப்பம் தாங்கும் தகடுகள் தாங்கிக்கொள்ளும்.

தரையிறங்கும்போது...

1. முதலில் பூமிக்குள் நுழையும் முன் வெப்பத்தைக் கட்டுப்படுத்துவதற்காக டிஸ்கவரி தலைகீழாகப் பறக்கும்.

2. வேகத்தைக் குறைப்பதற்காக அதன் பின் பகுதி முன் பக்கமாக கொண்டு வரப்படும். அதில் உள்ள ராக்கெட்டுகள் 3 நிமிடங்கள்எரிந்து டிஸ்கவரியின் வேகத்தை கணிசமாகக் குறைக்கும்.

3. இதன் பின்னர் 40 டிகிரி சாய்ந்தபடி பூமிக்குள் தலைகீழாக கீழிறங்கும் டிஸ்கவரி.

4. அப்போது டிஸ்கவரி விண்கலம் வாயு மண்டலத்துடன் உராயும். இதனால் பிளாஸ்மா எனப்படும் பல வண்ணம் கொண்டகொதிக்கும் வாயு உருவாகும். விண்கலம் முழுவதுமே கொதிக்கும் நிலையில் (சுமார் 3,000 டிகிரி பாரன்ஹீட்), சுற்றிலும் எரிந்துகொண்டே விண்கலம் பூமிக்குள் நுழையும்.

அப்போது உருவாகும் மின்காந்த அலைகளால் டிஸ்கவரிக்கும் தரைக்கட்டுப்பாட்டு நிலையத்துக்கும் இடையிலான ரேடியோதொடர்பு அறுபட்டுவிடும். டிஸ்கவரியை அதன் கம்ப்யூட்டர்களே கட்டுப்படுத்தி, வழி நடத்தும்.

5. வாயு மண்டலத்தின் உராய்வு குறைந்து, டிஸ்கவரியின் வேகமும் குறைந்தவுடன் அது ஒரு சாதாரண விமானத்தைப் போலபறக்க ஆரம்பிக்கும். வேகத்தை மேலும் குறைப்பதற்காக டிஸ்கவரி வளைந்து, வளைந்து பறக்கும்.

6. பூமியின் இருந்து 360 கி.மீ உயரத்தை அடையும்போது அதன் வேகம் 30,000 கி.மீட்டராக இருக்கும். இதையடுத்து 19 டிகிரிசெங்குத்தாக தரையை நோக்கி டிஸ்கவரி பாய்ந்து வந்து தரையிறங்கும்.

வெப்பத்தை தாங்கும் தகட்டில் ஏற்பட்ட சேதம் உள்பட பல தொழில்நுட்ப சிக்கல்களுடன் 7 விண்வெளி வீரர்களுடன் டிஸ்கவரிதரையிறங்கியதால் இந்த நிகழ்ச்சி உலகெங்கும் பெரும் பரபரப்பை ஏற்படுத்தியது.

ஓடம் பத்திரமாக தரையிறங்கியதையடுத்து நாஸா நிம்மதியில் ஆழ்ந்துள்ளது. கடந்த முறை தரையிறங்கும்போது தான் ஷட்டில்கொலம்பியா வெடித்துச் சிதறியது என்பது குறிப்பிடத்தக்கது.

Mail this to a friend  Post your feedback  Print this page 


திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more