பிரபல ரவுடி மீது வெடிகுண்டு வீச்சு!

திருவாரூர்:

திருச்சியைச் சேர்ந்த பிரபல ரவுடி முட்டை ரவி மற்றும் 5 பேர் மீது ஒரு கும்பல் நாட்டு வெடிகுண்டுகளை வீசிக் கொலை செய்யமுயன்றது பெரும் பரபரப்பை ஏற்படுத்தியுள்ளது.

திருச்சியைச் சேர்ந்தவர் முட்டை ரவி. பிரபல ரவுடி. பல்வேறு கொலை, கட்டப்பஞ்சாயத்து, வழிப்பறி வழக்குகளில்தொடர்புடையவர். ஒரு வழக்கில், உச்சநீதிமன்றத்தின் நிபந்தனை ஜாமீனின் கீழ் திருவாரூரில் தங்கி அங்குள்ள நீதிமன்றத்தில்கையெழுத்துப் போட்டு வருகிறார்.

செவ்வாய்க்கிழமை மாலையும் நீதிமன்றத்திற்குச் சென்று கையெழுத்துப் போட்ட ரவி, கார் மூலம் தான் தங்கியிருந்த இடத்திற்குத்திரும்பிக் கொண்டிருந்தார். மேல்கரை என்ற இடத்தில் அவரது கார் வந்தபோது திடீரென 10 பேர் கொண்ட கும்பல் காரை தடுத்துநிறுத்தி நாட்டு வெடிகுண்டுகளை வீசியது.

இதனால் நிலை குலைந்த ரவி மற்றும் அவருடன் இருந்த 5 பேரும் காரிலிருந்து இறங்கி தப்பியோடினர். அனைவரும் காயமின்றிஉயிர் தப்பினர். இந்த சம்பவத்தால் திருவாரூரில் பெரும் பதட்டம் நிலவுகிறது. போலீஸார், வெடிகுண்டுகளை வீசியவர்களைவலைவீசி தேடி வருகிறார்கள்.