திமுக கூட்டணியில் தான் காங்கிரஸ்: வாசன்
சென்னை:
வரவிருக்கும் சட்டமன்ற தேர்தலுக்கும் திமுக கூட்டணியிலேயே காங்கிரஸ் தொடரும். இதில் எந்த மாற்றமும் இல்லை என்றுதமிழக காங்கிரஸ் தலைவர் ஜி.கே. வாசன் கூறினார்.
தமிழக காங்கிரஸ் நிர்வாகிகளின் கூட்டம் சென்னை சத்தியமூர்த்தி பவனில் இன்று நடந்தது. கூட்டத்திற்கு காங்கிரஸ் தலைவர்ஜி.கே. வாசன் தலைமை தாங்கினார்.இந்த கூட்டத்திற்குப் பிறகு வாசன் நிருபர்களிடம் கூறுகையில், அடுத்த வருடம் நடைபெறவுள்ள சட்டமன்றத் தேர்தலிலும் திமுககூட்டணியில் தான் காங்கிரஸ் போட்டியிடும். இதில் எந்த மாற்றமும் இல்லை.
தமிழகத்தில் நடைபெற்றுக் கொண்டிருக்கும் மக்கள் விரோத அதிமுக ஆட்சியை அகற்ற வேண்டும் என்பதே காங்கிரஸ்தலைமையின் விருப்பமாகும்.
காங்கிரஸில் கோஷ்டிப் பூசலுக்கு இடமில்லை. அனைவரும் ஒருங்கிணைந்து வரவிருக்கும் தேர்தலில் அதிமுக ஆட்சியை அகற்றபாடுபடுவோம்.
தொகுதி மறுசீரமைப்பு குறித்து மக்களின் கருத்துக்களை அறிந்து அதன்படி தேர்தல் ஆணையம் செயல்பட வேண்டும். இந்தவிஷயத்தில் மக்களின் உணர்கவுகள் மதிக்கப்பட வேண்டும் என்றார் வாசன்.