இன்று சென்னைக்கு 365வது பிறந்த நாள்!

சென்னை:

மெட்ராஸ் என்று அழைக்கப்படும் சென்னை மாநகருக்கு இன்று 365வது பிறந்த நாளாகும். இதையொட்டி சென்னை தினம்இன்று கொண்டாடப்படுகிறது.

திருவல்லிக்கேணி, மயிலாப்பூர், திருவான்மியூர், திருவொற்றியூர் உள்ளிட்ட சில கிராமங்களைச் சேர்த்து கடந்த 1639ம் ஆண்டுஆகஸ்ட் 22ம் தேதி சென்னைப் பட்டணம் என்ற பெயரில் சென்னை மாநகரம் உருவாக்கப்பட்டது.

அதே ஆண்டில் தான், தற்போது தலைமைச் செயலகம் அமைந்துள்ள புனித ஜார்ஜ் கோட்டையைக் கட்டுவதற்கானஅஸ்திவாரமும் போடப்பட்டது.

சென்னப் பட்டணமாக மாறி, இன்று சென்னை மாநகரமாக உருவாகியுள்ள சென்னை பிறந்து 365 ஆண்டுகள் முடிந்து விட்டன.இதையடுத்து இன்று சென்னை தினம் கொண்டாடப்படுகிறது.

வரலாற்று ஆர்வலரும், எழுத்தாளருமான முத்தையா மற்றும் ஓய்வு பெற்ற ஐ.ஏ.எஸ். அதிகாரி ராமமூர்த்தி ஆகியோர் இணைந்துகடந்த ஆண்டு முதல் சென்னை தினத்திற்கு ஏற்பாடு செய்து கொண்டாடி வருகின்றனர்.

பழைய சென்னை நகரின் அரிய புகைப்படங்கள், அன்றைய கலாச்சாரம், பழைய நகர வரைபடங்கள் உள்ளிட்ட பல்வேறுஅரிய விஷயங்கள் அடங்கிய புகைப்படக் கண்காட்சிக்கும், ஏற்பாடு செய்யப்பட்டுள்ளது.