மதுரை டூ தேனி: ராதாகிருஷ்ணன், எச்.ராஜா நடைபயணம்

மதுரை:

முல்லைப் பெரியாறு அணையின் உயரத்தை 152 அடியாக உயர்த்த வலியுறுத்தி தமிழக பாஜக தலைவர் ராதாகிருஷ்ணன்தலைமையில் பாஜகவினர் மதுரையிலிருந்து தேனி வரை இன்று நடைபயணம் தொடங்கினார்.

இந்த யாத்திரையை மூத்த பாஜக தலைவர் திருநாவுக்கரசர் கொடியசைத்துத் துவக்கி வைத்தார்.

இதுதொடர்பாக பாஜக வெளியிட்டுள்ள அறிக்கையில்,

முல்லைப் பெரியாறு அணையின் உயரத்தை 136 அடியில் இருந்து 152 அடியாக உயர்த்த வேண்டும். இக் கோரிக்கையைவலியுறுத்தி, மாநிலத் தலைவர் ராதாகிருஷ்ணன் தலைமையில் கட்சியினர் நடைபயணம் மேற்கொள்கின்றனர்.

காலை 8.31 மணிக்கு கோரிப்பாளையம் முத்துராமலிங்கத் தேவர் சிலையிலிருந்து நடைபயணம் கிளம்புகிறது. 9 நாட்கள் 190கி.மீ. தொலைவு நடந்து சென்று 31ம் தேதி தேனி ஊராட்சி ஒன்றிய அலுவலகத்தை நடைபயணம் அடைகிறது என்றுகூறப்பட்டுள்ளது.

இந்த நடைபயணத்தில் ராதாகிருஷ்ணனுடன், பொதுச் செயலாளர் எச்.ராஜா உள்ளிட்ட தென் மாவட்ட பாஜக நிர்வாகிகளும்,தொண்டர்களும் கலந்து கொள்கின்றனர்.