நடுவானில் இந்தியன் ஏர்லைன்ஸ் விமானத்தில் கோளாறு: அவசரமாக தரையிறங்கியது

டெல்லி:

டெல்லியில் இருந்து இன்று காலை ஹைதராபாத் புறப்பட்ட இந்தியன் ஏர்லைன்ஸ் விமானத்தில் நடு வானில் தொழில்நுட்பக்கோளாறு ஏற்பட்டது. இதையடுத்து அந்த விமானம் மீண்டும் டெல்லி விமான நிலையத்திலேயே மிக அவசரமாகத்தரையிறங்கியது.

காலை 7 மணிக்கு ஹைதராபாத் புறப்பட்ட அந்த இந்தியன் ஏர்லைன்ஸ் (ஐசி 940) விமானத்தில் சக்கரங்களை இயக்கும்ஹைட்ராலிக் சிஸ்டத்தில் பிரச்சனை உருவானது. இதையடுத்து விமானத்தை டெல்லிகே திருப்பினார் விமானி.

சக்கரங்களில் பிரச்சனையுடன் விமானம் மிக அவசரமாகத் தரையிறங்கியதால் ஆம்புலன்ஸ்கள், தீயணைப்பு வண்டிகள்ஆகியவை தயார் நிலையில் நிறுத்தப்பட்டன. 7.30 மணிக்கு அந்த விமானம் பத்திரமாகத் தரையிறங்கியது.

இதையடுத்து பயணிகள் அனைவரும் வேறு ஒரு விமானத்தில் ஹைதராபாத் அனுப்பி வைக்கப்பட்டனர்.