நடிகர் ஆனந்த்ராஜ் தம்பிக்கு அடி, உதை

பாண்டிச்சேரி:

நடிகர் ஆனந்தராஜின் தம்பியைத் தாக்கி காயப்படுத்திய 2 பேரை போலீஸார் கைது செய்துள்ளனர்.

பாண்டிச்சேரி திருமுடி நகரில் வசித்து வருபவர் அமல்ராஜ். இவர் நடிகர் ஆனந்தராஜின் தம்பி ஆவார். இவர்குயவர்பாளையம் பகுதியில் நடந்த அதிமுக பொதுக் கூட்டத்திற்குச் சென்றிருந்தார்.

அப்போது 20 பேர் கொண்ட ஒரு கும்பல் அமல்ராஜிடம் தகராறு செய்து அவர் வைத்திருந்த செல்போனைபிடுங்க முயற்சித்தனர். இதையடுத்து அங்கிருந்து ஓடிய அமல்ராஜ் காரில் தப்பிச் செல்ல முயன்றார்.

ஆனால் அக்கும்பல் அமல்ராஜை அடித்து, உதைத்து அவர் அணிந்திருந்த 10 பவுன் தங்கச் சங்கிலியைப் பறித்துச்சென்றனர்.

இதுகுறித்து போலீஸில் புகார் செய்தார் அமல்ராஜ். போலீஸார் விசாரணை நடத்தி தாக்குதல் நடத்திய கும்பலைச்சேர்ந்த செல்வம், நெப்போலியன் ஆகிய இருவரை கைது செய்தனர். தங்கச் சங்கிலியும் பறிமுதல்செய்யப்பட்டுள்ளது.