டாவின்சி கோட்: இன்று தமிழகத்தில் ரிலீஸ்

சென்னை:

தி டாவின்சி கோட் திரைப்படம் தமிழகம் முழுவதும் இன்று வெளியாகிறது.

மொத்தம் 35 திரையரங்குகளில் இப்படம் வெளியிடப்படுகிறது. இப்படத்தைகிறிஸ்தவ அமைப்புகள் பல எதிர்த்து வந்தன. இனால் ஒரு மாதத்திற்கு முன்பேவந்திருக்க வேண்டிய இப்படம் வெளியாக முடியவில்லை.

கிறிஸ்தவர்களில் ஒரு பிரிவினர் தெரிவித்த எதிர்ப்பையடுத்து இப்படத்தை திரையிடதமிழக அரசு தடை விதித்தது. இதை எதிர்த்து திரைப்பட விநியோகஸ்தர்கள் வழக்குதொடர்ந்தனர்.

இந்த வழக்கை விசாரித்த உயர்நீதிமன்றம், கருத்துச் சுதந்திரத்தை முடக்குவதாக இந்ததடை உத்தரவு உள்ளது. சட்டம் ஒழுங்குப் பிரச்சினை ஏற்படும் என்று கருதினால்அதை சந்தித்து சமாளிக்க வேண்டியது அரசின் பொறுப்பு.

அதை விடுத்து படத்தை தடை செய்யக் கூடாது என்று கடுமையாக கண்டித்தது.மேலும் படத்தை திரையிட விதிக்கப்பட்டிருந்த தடையையும் ரத்து செய்தது.

இதையடுத்து இன்று தமிழகம் முழுவதும் டாவின்சி கோட் ரிலீஸ் ஆகிறது.

சென்னையில் 6 திரையரங்குகளில் இப்படத்தைக் காணலாம். திரையிடப்படும்அனைத்துத் திரையரங்குகளிலும் போலீஸ் பாதுகாப்பு போடப்படவுள்ளது.திரைப்படத்தை எதிர்த்து யாராவது போராட்டம் நடத்தினால் கைதுசெய்யப்படுவார்கள் என காவல்துறை எச்சரித்துள்ளது.