22ம் தேதி சட்டசபை கூடுகிறது-அன்றே பட்ஜெட்!

சென்னை:

தமிழக சட்டசபை 22ம் தேதி காலை 10 மணிக்கு கூடும் என தமிழக ஆளுநர் சுர்ஜித் சிங் பர்னாலா நேற்றிரவுதிட்டவட்டமாக அறிவித்துள்ளார்.

22ம் தேதி கூடும் இக் கூட்டத்தில் 2006-2007ம் ஆண்டுக்கான பட்ஜெட் தாக்கல் செய்யப்படுகிறது. மீண்டும்சட்டசபை 24ம் தேதி கூடும். அப்போது மறைந்த முன்னாள் சட்டசபை எதிர்கட்சித் தலைவர் சோ.பாலகிருஷ்ணன்உள்ளிட்ட மறைந்த சில முன்னாள் எம்எல்ஏக்களுக்கு இரங்கல் தெரிவிக்கப்படும்.

அதைத் தொடர்ந்து அன்றோ அல்லது மறுநாளோ பட்ஜெட் மீதான விவாதம் தொடங்கும். ஒரு வார காலம்நீடிக்கும் விவாதத்துக்கு இறுதியில் முதல்வர் கருணாநிதி பதில் அளிப்பார்.

இந்த பட்ஜெட் கூட்டத் தொடரில் கலந்து கொள்ளப் போவதாக அதிமுக பொதுச் செயலாளர் ஜெயலலிதாஅறிவித்துள்ளார். இதனால் கூட்டத் தொடர் பரபரப்பாக இருக்கும் என்று தெரிகிறது.