கேம்பிரிட்ஜ்: மன்மோகனுக்கு டாக்டர் பட்டம்

கேம்பிரிட்ஜ்:

இங்கிலாந்தில் உள்ள புகழ் பெற்ற கேம்பிரிட்ஜ் பல்கலைக்கழகம், பிரதமர் மன்மோகன் சிங்குக்கு கெளரவடாக்டர் பட்டம் அளித்தது.

பிரதமர் மன்மோகன் சிங் இங்கிலாந்தில் சுற்றுப்பயணம் மேற்கொண்டுள்ளார். நேற்று கேம்பிரிட்ஜ்பல்கலைக்கழகம் அவருக்கு கெளரவ டாக்டர் பட்டம் வழங்கி கெளரவித்தது.

இதே பல்கலைக்கழகத்திற்கு உட்பட் செயின்ட் ஜான்ஸ் கல்லூரியில் தான் கடந்த 1957ம் ஆண்டு படித்துபொருளாதாரத்தில் பட்டம் பெற்றார் சிங் என்பது குறிப்பிடத்தக்கது. கிட்டத்தட்ட 50 ஆண்டுகளுக்குப் பின்னர்தான் படித்த கல்லூரிக்கு சிங் விஜயம் செய்து, பழைய நினைவுகளில் மூழ்கினார்.

புதன்கிழமை நடந்த நிகழ்ச்சியில், எடின்பர்க் கோமகனும், பல்கலைக்கழக வேந்தருமான பிலிப், மன்மோகன்சிங்குக்கு டாக்டர் பட்டத்தை வழங்கினார். சிங்குக்கு வழங்கப்பட்ட பாராட்டுப் பத்திரத்தில், முழு நேரஅரசியல்வாதிகள் தான் பிரதமர் போன்ற உயர் பதவிகளுக்கு வருவதுண்டு. ஆனால் சிறந்த கல்வியாளரானநீங்கள், படிப்படியாக முன்னேறி பிரதமர் பதவிக்கு உயர்ந்துள்ளீர்கள் என்று பாராட்டப்பட்டுள்ளது.

பட்டத்தை ஏற்று மன்மோகன் சிங் பேசுகையில், தனது பழைய கல்லூரிக் கால நினைவுகளை நினைவு கூர்ந்தார்.அமார்த்யா சென், ஜகதீஷ் பகவதி, மெஹ்பூப் உல் ஹக் போன்ற தெற்காசியாவின் சிறந்த பொருளாதாரநிபுணர்கள் தன்னுடன் படித்தவர்கள், தனக்கு நெருங்கிய நண்பர்கள் என்று அவர் நினைவு கூர்ந்தார்.