ஐ.நா. பொது செயலர்: இன்று வாக்கெடுப்பு

நியூயார்க்:

ஐ.நா. பொதுச் செயலாளர் தேர்தலில் இன்று பொதுச் சபையில் வாக்கெடுப்பு நடைபெறுகிறது. இதில் பான் கி மூன்புதிய பொதுச் செயலாளராக தேர்வு செய்யப்படுகிறார்.

ஐ.நா. பொதுச் செயலாளராக உள்ள கோபி அன்னானின் பதவிக்காலம் டிசம்பர் 31ம் தேதியுடன் முடிவடைகிறது.இதையடுத்து புதிய பொதுச் செயலாளரை தேர்வு செய்யும் பணி தொடங்கியது.தென் கொரிய வெளியுறவு அமைச்சர் பான் கி மூன், இந்தியாவின் சசி தரூர் உள்ளிட்ட 9 பேர் தேர்தலில்போட்டியிட்டனர். இவர்களில் பான் கி மூனுக்கே வெற்றி வாய்ப்பு பிரகாசமாக இருந்ததால் சசி தரூர், இலங்கைவேட்பாளர் ஜெயந்த தனபாலா ஆகியோர் போட்டியிலிருந்து விலகினர்.இதையடுத்து பான் கி மூனின் வெற்றி உறுதியானது. இந்த நிலையில் பான் கி மூனின் பெயரை பொதுச் செயலர்தேர்வுக்கு ஐ.நா. பாதுகாப்பு சபை பரிந்துரைத்தது. இதைத் தொடர்ந்து இன்று பிற்பகல் பொதுச் சபையில்வாக்கெடுப்பு நடைபெறுகிறது.வாக்கெடுப்பு தொடர்பாக 192 நாடுகளின் பிரதிநிதிகளுடன் பொதுச் சபை தலைவர் ஷீகா ஹயா அல் கலீபாஆலோசனை நடத்தினார். ரகசிய வாக்கெடுப்புக்கு ஏற்பாடு செய்யப்பட்டுள்ளது. வாக்கெடுப்பில் பான் கி மூன்வெற்றி பெற்றார் ஜனவரி 1ம் தேதி அவர் ஐ.நா.வின் பொதுச் செயலாளராக பதவியேற்பார்.