ரஷ்ய பெண்களை கவரும் இந்திய ஆண்கள்!

மாஸ்கோ:இந்திய ஆண்கள்தான் சிறந்த கணவர்களாக இருக்கிறார்கள் என ரஷ்ய பெண்கள் கருதுவதாக ரஷ்யாவைச்சேர்ந்த பெண்ணுரிமை இயக்க பிரமுகர் மரியா அர்பட்டோவா தெரிவித்துள்ளார்.

ரஷ்ய பெண்கள் மணக்க விரும்பும் வெளிநாட்டுக்காரர்கள் வரிசையில் இந்தியர்களுக்குத்தான் முதலிடம்கொடுக்கிறார்களாம். இதற்கு என்ன காரணம் என்று மரியா அர்பட்டோவோ விளக்குகிறார்.

இந்திய ஆண்கள் உணர்ச்சிகரமானவர்கள். பிரச்சினைகளை கண்டு பயந்து ஓடுவதில்லை. தங்களதுமனைவிகளுக்கு ஏதாவது ஒரு பிரச்சினை என்றால் ஆறுதலாக இருக்கிறார்கள், பேசுகிறார்கள். பிரச்சினையைத்தீர்க்க முயலுகிறார்கள்.

மனதில் ஒன்றும், வெளியில் ஒன்றுமாக அவர்கள் நடந்து கொள்வதில்லை. தாங்கள் சூப்பர் மேன் என்ற எண்ணம்அவர்களுக்கு சுத்தமாக கிடையாது. சாதாரணமாக நடந்து கொள்கிறார்கள். குடும்ப உறவுகளுக்கு மிகுந்தமரியாதையும், முக்கியத்துவமும் கொடுக்கிறார்கள்.

மேற்கத்திய ஆண்கள் போல அழ நினைத்தால் அடக்கிக் கொண்டு நடிப்பதில்லை இந்தியர்கள். மாறாக, வாய்விட்டு அழக் கூடத் தயங்குவதில்லை என்று இந்திய ஆண்களுக்கு புகழாரம் சூட்டுகிறார் மரியா.

இவரே இதற்கு முன்பு 2 வெளிநாட்டுக்காரர்களை கல்யாணம் செய்து கொண்டு விவகாரத்து செய்து விட்டுஇப்போது 3வதாக இந்தியர் ஒருவரையே மணந்து குடும்ப வாழ்க்கையை நடத்தி வருகிறாராம்.