ஆஸி.யுடன் தமிழக அரசு வர்த்தக ஒப்பந்தம்

சென்னைஆஸ்திரேலிய நாட்டின் தெற்கு ஆஸ்திரேலிய மாநிலத்துடன் தமிழக அரசு வர்த்தக ஒப்பந்தம்மேற்கொண்டுள்ளது.

தெற்கு ஆஸ்திரேலிய தலைமை அமைச்சர் மைக் ரான் நேற்று சென்னைக்கு வந்தார். முதல்வர் கருணாநிதியைஅவரது கோபாலபுரம் இல்லத்தில் சந்தித்துப் பேச்சுவார்த்தை நடத்தினார். அவருடன் தெற்கு ஆஸ்திரேலியமாநிலத்தின் உயர் அதிகாரிகள் அடங்கிய குழுவும் வந்திருந்தது.

இந்த சந்திப்புக்குப் பின்னர் தமிழக அரசுக்கும், தெற்கு ஆஸ்திரேலியாவுக்கும் இடையே வர்த்தகம்,பொருளாதாரம் தொடர்பான ஒப்பந்தம் கையெழுத்தானது.இந்த ஒப்பந்தத்தில் மைக் ரானும், தமிழக அரசின் தலைமைச் செயலாளர் திரிபாதியும் கையெழுத்திட்டனர்.பின்னர் செய்தியாளர்களிடம் ரான் பேசுகையில், தெற்கு ஆஸ்திரேலியாவும், தமிழக அரசும், கல்வி, தொழில்,வர்த்தகம், சுற்றுலா, பொருளாதாரம் மற்றும் கலாச்சாரம் ஆகிய துறைகளில் இணைந்து செயல்பட இந்த ஒப்பந்தம்வழி வகுக்கிறது.

தெற்கு ஆஸ்திரேலியாவுடன் தமிழகம் மிகச் சிறந்த வர்த்தகத் தொடர்புகளை ஏற்படுத்திக் கொள்ள முடியும்.அதற்குத் தேவையான வாய்ப்புகள் இரு மாநிலங்களிலும் அதிக அளவில் உள்ளன.

குறிப்பாக தகவல் தொழில்நுட்பம், ஆட்டோமொபைல், சுரங்கம் ஆகிய பிரிவுகளில் மிக்ச சிறந்த முதலீடுகளைமேற்கொள்ள முடியும்.

தமிழகத்திற்கும், தெற்கு ஆஸ்திரேலியாவுக்கும் நிறைய ஒற்றுமைகள் உண்டு. இரு மாநிலங்களிலும் அதிகஅளவிலான கிரிக்கெட் ரசிகர்கள் உள்ளனர். தெற்கு ஆஸ்திரேலியாவில் பல்வேறு தமிழ்த் திரைப்படங்களின்படப்பிடிப்புகள் அதிக அளவில் நடைபெறுகின்றன என்றார் மைக் ரான்.