தேர்தல் மன்னன் வயிற்றுக் கட்சி ரங்கசாமி மரணம்

பெங்களூர்:வயிற்றுக் கட்சி (ஹொட்டே பக்ஷா - ஹொட்டே என்றால் கன்னடத்தில் வயிறு என்று பொருள், பக்ஷே என்றால்கட்சி) என்ற கட்சியின் தலைவரும், அதிக தேர்தல்களில் போட்டியிட்டு கின்னஸ் சாதனை படைத்தவருமானகர்நாடக மாநிலத்தைச் சேர்ந்த ரங்கசாமி மரணமடைந்தார்.

கர்நாடக மாநிலத்தைச் சேர்ந்த ரங்கசாமி 1967ம் ஆண்டு அரசியலில் புகுந்தார். ஹொட்டே பக்ஷா கட்சியைஆரம்பித்தார். அன்று முதல் தொடர்ந்து அனைத்து தேர்தல்களிலும் அவர் போட்டியிட்டு வந்தார். எந்தத்தேர்தலிலும் அவர் வெற்றி பெற்றதும் இல்லை, டெபாசிட்டை இழக்கத் தவறியதும் இல்லை.

தனது முதல் தேர்தலில் மறைந்த கர்நாடக முதல்வர் கெங்கல் ஹனுமந்தய்யாவை எதிர்த்துப் போட்டியிட்டுத்தோற்றார். நாடாளுமன்றம் முதல் மாநகராட்சி தேர்தல் வரை எந்தத் தேர்தலையும் அவர் விட்டு வைத்ததில்லை.மொத்தம 86 தேர்தல்களில் போட்டியிட்டு கின்னஸ் சாதனை படைத்தவர் ரங்கசாமி.

74 வயதான ரங்கசாமி கடந்த சில காலமாக உடல் நலம் பாதிக்கப்பட்டிருந்தார். இந்த நிலையில்ஞாயிற்றுக்கிழமை அவர் பெங்களூரில் மரணமடைந்தார். அவருக்கு 3 மகன்கள் உள்ளனர்.