வாக்காளர்-நிரந்தர முகவரி தேவையில்லை

திருவண்ணாமலை:வாக்காளர் பட்டியலில் பெயர் இடம் பெற நிரந்தர முகவரி தேவையில்லை என தலைமை தேர்தல் அதிகாரி நரேஷ் குப்தா கூறியுள்ளார்.

திருவண்ணாமலை மாவட்டத்தில் புகைப்படத்துடன் கூடிய வாக்காளர் பட்டியல் தயாரிக்கும் பணி குறித்த ஆய்வுக்கூட்டத்திற்கு தலைமை தாங்கியதலைமை தேர்தல் அதிகாரி நரேஷ்குப்தா கலந்துக் கொண்டு ஆய்வு செய்தார்.

அப்போது பேசிய அவர்,

குடும்ப அட்டை மட்டுமே வாக்காளர் பட்டியலில் பெயர் சேர்க்க போதுமான ஆதாரமாகாது. நிரந்தர முகவரி இருந்தால் தான் வாக்காளர் பட்டியலில்இடம் பெற முடியும் என மக்கள் நினைக்கின்றனர். ஆனால் இது தவறு.

வாக்காளர் பட்டியலுக்கு புகைப்படம் எடுக்காதவர்களின் பெயர் புகைப்படத்துடன் கூடிய வாக்காளர் பட்டியலில் இருந்து நீக்கப்படும். அவர்களின்பெயர் சேர்க்க வேண்டுமானால் பாரம்-6 கொடுத்து சேர்ந்து கொள்ள முடியும் என்றார்.