மயிலாடுதுறையில் பாஜக அலுவலகம் சூறை

மயிலாடுதுறை:

மயிலாடுதுறை மாவட்ட பாஜக அலுவலகத்தை திமுகவினர் சூறையாடினர்.

கச்சேரி சாலையில் நாகை மாவட்ட பாஜக அலுவலகமும் பாஜக தேசிய பொதுகுழு உறுப்பினரான வழக்கறிஞர் ராஜேந்திரனின் அலுவலகமும் அருகருகே உள்ளன.

நேற்று திமுகவைச் சேர்ந்தவர்கள் கும்பலாக வந்து இரு அலுவலகங்களின் பூட்டுகளையும் உடைத்துக் கொண்டு உள்ளே நுழைந்தனர்.

அங்கிருந்த நாற்காலிகள், மேஜை, பீரோ, கண்ணாடிகளை உடைத்து எறிந்து தெருவில் வீசினர். வழக்கறிஞர் அலுவலகத்தில் இருந்த கோப்புகளும் கிழித்து எறியப்பட்டன.

இச் சம்பவத்தையடுத்து அங்கு பலத்த போலீஸ் பாதுகாப்பு போடப்பட்டுள்ளது.