• search
For Quick Alerts
ALLOW NOTIFICATIONS  
For Daily Alerts

செல்போன்: 2வது இடம் நோக்கி முன்னேறும் இந்தியா

By Staff
|

டெல்லி: எல்லாவற்றிலும் முதலிடத்தில் இருக்கும் அமெரிக்காவை ஏதாவது சில விஷயத்தில் முந்தி செல்கின்றன உலக நாடுகள். அந்த வகையில் செல்போன் பயன்பாட்டில் அமெரிக்காவைப் பின்னுக்குத் தள்ளி 2வது இடத்துக்கு முன்னேற உள்ளது இந்தியா.

உலகில் அதிகளவில் செல்போன் பயன்படுத்தும் நாடுகளின் பட்டியலில் இந்தியா தற்போது 3வது இடத்தில் உள்ளது. தற்போதைய நிலைப்படி அதிகபட்சமாக 54 கோடி வாடிக்கையாளர்களுடன் சீனா முதலிடத்தில் உள்ளது.

26 கோடி வாடிக்கையாளர்களுடன் அமெரிக்கா 2வது இடத்திலும், 25 கோடி வாடிக்கையாளர்களுடன் இந்தியா 3வது இடத்திலும் உள்ளது.

ஆனால் இன்னும் ஒரே மாதத்தில் அமெரிக்காவை பின்னுக்குத் தள்ளி விட்டு இந்தியா 2வது இடத்தைப் பிடிக்கும் என இந்திய தொலைத் தொடர்பு ஒழுங்குமுறை ஆணையமான டிராய் தெரிவித்துள்ளது.

மாதத்துக்கு அமெரிக்காவில் 20 முதல் 30 லட்சம் இணைப்புகளும், சீனாவில் 60 முதல் 70 லட்சம் இணைப்புகளும் வழங்கப்படுகின்றன. ஆனால் இந்தியாவில் அதிகபட்சமாக 80 முதல் 90 லட்சம் இணைப்புகள் பெறப்படுகின்றன.

ஏப்ரல் மாத இறுதியில் செல்போன் மற்றும் தரைவழி இணைப்புகள் 30 கோடி வாடிக்கையாளர்களை அடைய வாய்ப்புள்ளது. இந்தியாவில் கடந்த பிப்ரவரி மாத இறுதியில் தொலைபேசி இணைப்புகள் 29 கோடி பேரை அடைந்துள்ளன என்கிறது டிராய்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X