திருச்சி-பெங்களூர் ஏர் டெக்கான் விமானம் அறிமுகம்

திருச்சி: நாட்டின் குறைந்த கட்டண விமான நிறுவனமான ஏர் டெக்கான் நிறுவனம், திருச்சியிலிருந்து பெங்களூருக்கு புதிய விமான சேவையை இன்று அறிமுகப்படுத்தியது.

பெங்களூரிலிருந்து 8 பயணிகளுடன் இன்று காலை 6.30 மணிக்கு முதல் விமானம் வந்தது. பின்னர் எட்டு பயணிகளுடன் 7.45 மணிக்கு மீண்டும் பெங்களூர் திரும்பியது.

இந்தப் புதிய விமான சேவை மூலம் திருச்சி, கரூர், புதுக்கோட்டை உள்ளிட்ட மாவட்டங்களைச் சேர்ந்த பயணிகள் பலன் அடைவர் என ஏர் டெக்கான் தெரிவித்துள்ளது.