முலாயம் சிங் தமிழகத்தில் 2 நாள் பிரசாரம்

சென்னை: தமிழகத்தில் போட்டியிடும் சமாஜ்வாடி கட்சி வேட்பாளர்களுக்காக அக்கட்சியின் தலைவர் முலாயம் சிங் யாதவ் 2 நாட்கள் பிரசாரம் செய்யவுள்ளார்.

சமாஜ்வாடி கட்சி தமிழகத்தில் மதுரை, நெல்லை, மயிலாடுதுறை, கடலூர், திருச்சி, திண்டுக்கல், கோவை, மத்திய சென்னை, நாமக்கல், சேலம், திருவண்ணாமலை உள்பட 16 தொகுதிகளில் போட்டியிடுகிறது.

இந்தத் தொகுதிகளில் போட்டியிடும் வேட்பாளர்களை ஆதரித்து சென்னை உள்ளிட்ட 5 தொகுதிகளில் முலாயம் சிங் யாதவ் 2 நாள் சுற்றுப்பயணம் செய்து வாக்கு சேகரிக்கிறார்.

மே மாதம் 7 மற்றும் 8 ஆகிய தேதிகளில் தமிழகம் வரும் முலாயம் சிங், சென்னை, மதுரை, திருச்சி, திருவண்ணாமலை, நெல்லை ஆகிய ஊர்களில் பேசுகிறார்.

பிரசாரத்திற்கான ஏற்பாடுகள் நடந்து வருவதாக கட்சியின் மாநில செயல் தலைவர் இளங்கோ யாதவ் தெரிவித்தார்.