10ம் தேதி இலங்கைத் தமிழர் பாதுகாப்பு இயக்க ஆர்ப்பாட்டம்- ராமதாஸ், வைகோ பங்கேற்பு

சென்னை: இலங்கைத் தமிழர் பாதுகாப்பு இயக்கம் சார்பில் வருகிற 10ம் தேதி சென்னையில் ஆர்ப்பாட்டம் நடைபெறுகிறது. இதில் டாக்டர் ராமதாஸ், வைகோ, பழ. நெடுமாறன் உள்ளிட்டோர் கலந்து கொள்கின்றனர்.

இதுகுறித்து இலங்கை தமிழர் பாதுகாப்பு இயக்க ஒருங்கிணைப்பாளர் பழ.நெடுமாறன் வெளியிட்டுள்ள அறிக்கை:

இலங்கையில் போர் முடிந்து 4 மாதங்களுக்கு மேலாகியும் முள்வேலி முகாம்களுக்குள் அடைக்கப்பட்டுள்ள 3 லட்சத்திற்கு மேற்பட்ட ஈழத்தமிழர்கள் இன்னும் விடுதலை செய்யப்படவில்லை.

இவர்களை உடனடியாக விடுவிக்கவேண்டும் என்றும் அதற்கான அவசர நடவடிக்கைகளை இந்திய-தமிழக அரசுகள் மேற்கொள்ள வலியுறுத்தியும் இலங்கை தமிழர் பாதுகாப்பு இயக்கத்தின் சார்பில் வருகிற 10-ந் தேதி மாலை 4 மணிக்கு சென்னை மெமோரியல் ஹால் அருகே கண்டன ஆர்ப்பாட்டம் நடைபெறுகிறது.

இந்த ஆர்ப்பாட்டத்தில் பா.ம.க. நிறுவனர் டாக்டர் ராமதாஸ், ம.தி.மு.க. பொதுச்செயலாளர் வைகோ, இந்திய கம்யூனிஸ்டு மாநில செயலாளர் தா.பாண்டியன் மற்றும் நான் உள்ளிட்டோர் கலந்து கொள்கிறோம் என்று தெரிவித்துள்ளார்.