டெல்லி-வீடு தீப்பிடித்து 4 வாலிபர்கள் பலி

டெல்லி: புதுடில்லியில் வீடு தீப்பிடித்து 4 வாலிபர்கள் உடல் கருகி பலியானார்கள்.

டெல்லி ராம்புரா பகுதியில் உள்ள ஒரு வீட்டில் இன்று காலை திடீரென தீ பிடித்தது. சில நிமிடங்களில் தீ வீடு முழுவதும் பரவியது.

தீயணைப்பு படையினர் தகவல் அறிந்ததும் 2 வண்டிகளில் வந்து தீயை அணைத்தனர். அதன் பிறகு வீட்டுக்குள் சென்று பார்த்தபோது 4 வாலிபர்கள் உடல் கருகி பலியாகி இருப்பது தெரிந்தது.

அவர்கள் அந்த வீட்டில் வசித்து வந்த ஜமீர், முகம்மது கிஜாஸ், நஜீம், சபாகரீம் என அடையாளம் காணப்பட்டது.

தீ விபத்துக்கான காரணம் குறித்து போலீசார் விசாரித்து வருகின்றனர்.