திருச்செந்தூரில் இடி தாக்கி மீனவர் பலி

திருச்செந்தூர்: கடலில் மீன்பிடித்துக் கொண்டிருந்த மீனவர் இடிதாக்கி பலியானார்.

திருசெந்தூர் வீரபாண்டியன் பட்டிணம் தூய சவேரியர் காலனி பகுதியை சேர்ந்தவர் குமார். மீன்பிடிக்கும் தொழில் செய்து வருகிறார்.

இவர் இன்று காலை திருச்செந்தூர் கடல் பகுதியில் ஒரு படகில் தனது நண்பர்கள் 4 பேருடன் மீன்பிடித்துக் கொண்டிருந்தார். அப்போது இடி, மின்னலுடன் மழை பெய்தது.

அதனை பொருட்படுத்தாமல் மீன்பிடித்து கொண்டிருந்த குமாரை இடி-மின்னல் தாக்கியது. இதனால் செயலிழந்து போன அவரை உடனடியாக திருச்செந்தூர் மருத்துவமனையில் சிகிச்சைக்காக சேர்த்தனர்.

சிகிக்சை பலனின்றி குமார் பலியானார். கடலில் மீன்பிடித்து கொண்டிருந்த குமார் இடி தாக்கியதில் பலியான சம்பவம் அங்குள்ள மீனவ கிராமங்களில் சோகத்தை ஏற்படுத்தியுள்ளது.