ஜார்க்கண்ட் தேர்தல்: ரூ.1க்கு 1 ​கிலோ அரிசி- பாஜக

ராஞ்சி: ஜார்க்​கண்ட் மாநி​லத்​தில் ஆட்சி அமைத்​தால் வறு​மைக் கோட்​டிற்கு கீழ் வாழும் மக்​க​ளுக்கு ரூ.1க்கு ஒரு கிலோ அரிசி அல்​லது கோதுமை வழங்​கப்​ப​டும் என பாஜக தனது தேர்​தல் அறிக்​கை​யில் உறுதியளித்துள்ளது.

ஜார்க்​கண்​டில் வரும் 25ம் தேதி முதல் 5 கட்​ட​மாக சட்டசபைத் தேர்​தல் நடக்கிறது.

இந்​நி​லை​யில் பாஜ​க​வின் தேர்​தல் அறிக்​கையை ஜார்க்கண்ட் மாநில பாஜக தலை​வர் ரகு​வார் தாஸ் வெளி​யிட்​டார்.

அதில்,​ பாஜக ஆட்சி அமைத்​தால் வறுமை கோட்​டிற்கு கீழ் உள்ள குடும்​பங்​க​ளுக்கு ஒரு ரூபாய்க்கு ஒரு கிலோ அரிசி அல்​லது கோதுமை வழங்​கப்​ப​டும். ரேஷன் கார்டு இல்லாதவர்களுக்கு 3 மாதங்களுக்குள் கார்டுகள் தரப்படும்.

அனைத்து குடும்பங்களுக்கும் ஒரு கிலோ உப்பு 25 பைசாவுக்கு வழங்கப்படும்.

மாநி​லத்​தில் ஐந்து ஆண்​டு​க​ளில் 10 லட்​சம் வேலை​ வாய்ப்புகள் உருவாக்கப்படும். விவ​சா​யி​க​ளுக்கு 2 சத​வீத வட்​டி​யில் கடன் வழங்​கப்​ப​டும்.

வீடு இல்​லா​த​வர்​க​ளுக்​காக 3 லட்​சம் புதிய வீடு​கள் கட்டித் தரப்படும்.

நக்​ஸல்​களை ஒடுக்க தேவை​யான நட​வ​டிக்​கை​கள் மேற்​கொள்​ளப்​ப​டும் என்று கூறப்பட்டுள்ளது.