7.2% பொருளாதார வளர்ச்சியே சாத்தியம்! - புள்ளிவிவரத் துறை
ரிசர்வ் வங்கி கணிப்பை விட இது குறைவு என்பது குறிப்பிடத்தக்கது.
மத்திய நிதி அமைச்சகம் சில தினங்களுக்கு முன் இந்தியாவின் பொருளாதாரத்தின் வளர்ச்சி குறித்து அறிக்கை வெளியிட்டிருந்தது. இதில் மொத்த உற்பத்தி 7.75 சதவிகிதமாக இருக்கும் என கணித்துக் கூறியது. ஆனால் அடுத்த சில தினங்களில் ரிசர்வ் வங்கி 7.5 சதவிகித ஜிடிபி வளர்ச்சிதான் இருக்கும் என்றது.
இந்நிலையில் மத்திய புள்ளி விவர அமைப்பு இன்று புதிய தகவலை வெளியிட்டுள்ளது.
இதன்படி 2009-2010-ல் நாட்டின் பொருளாதார வளர்ச்சி வேகமாக இருக்கும் என்றும், ஆனால் மத்திய அரசு கணித்த அளவு இல்லாமல் 7.2 சதவிகிதம் அளவுதான் இருக்கும் என்றும் அந்த அமைப்பு கூறியுள்ளது.
மேலும் விவசாய நடவடிக்கைகள் 0.2 சதவிகிதம் அளவு சுருங்கி விடும் என்றும் தனது அறிக்கையில் கூறியுள்ளது. உற்பத்தி துறையில் 8.9 சதவிகித வளர்ச்சி இருக்கும் என்றும் தெரிவித்துள்ளது. கடந்த ஆண்டு இது 3.2 சதவிகிதம்தான் என்பது குறிப்பிடத்தக்கது.
சுரங்கம் மற்றும் கனிமத் துறையில் 8.7 சதவிகித வளர்ச்சியும், கட்டுமானத் துறையில் 6.5 சதவிகித வளர்ச்சியும் இருக்கும் என்று புள்ளி விவர அமைப்பு கணித்துள்ளது.
வர்த்தகம், ஒட்டல், போக்குவரத்து மற்றும் தொலைத் தொடர்புத் துறையில் 9.9 வளர்ச்சி இருக்கும் என்று கூறியுள்ளது.
Click it and Unblock the Notifications
Sign in with Google