நெல்லை மாவட்ட உள்ளாட்சி இடைதேர்தல்: வேட்பு மனு தாக்கல் முடிந்தது

நெல்லை: தமிழகம் முழுவதும் ஜனவரி 10ம் தேதி நடைபெறவுள்ள உள்ளாட்சி இடைத் தேர்தலுக்கான வேட்பு மனு தாக்கல் இன்றுடன் முடிவடைந்தது.

தமிழகம் முழுவதும் உள்ளாட்சி இடைத்தேர்தல் வரும் ஜனவரி மாதம் 10-ம் தேதி நடக்கிறது.

இதில், நெல்லை மாவட்டத்தில் தென்காசி யூனியன் 6வது வார்டு கவுன்சிலர், மறுகால்குறிச்சி, சிங்கனேரி, இடையன்குளம், அலங்காரபேரி, புலியங்குளம் ஆகிய 5 கிராம பஞ்சாயத்து தலைவர்கள், பணகுடி பேரூராட்சி 9வது வார்டு கவுன்சிலர் மற்றும் 13 கிராம பஞ்சாயத்து வார்டு உறுப்பினர்கள் பதவிகள் உள்ளிட்ட 20 காலியிடங்கள் உள்ளன.

இதற்கான வேட்புமனு தாக்கல் கடந்த 22-ம் தேதி துவங்கியது. நேற்று முன்தினம் வரை 22 பேர் வேட்புமனு தாக்கல் செய்துள்ளனர். நேற்று தென்காசி யூனியன் 6வது வார்டுக்கு ஒருவரும், இடையன்குளம், அலங்காரபேரி கிராம பஞ்சாயத்து தலைவருக்கு தலா இருவரும், பணகுடி பேரூராட்சி வார்டுக்கு ஒருவருமாக 4 பேர் வேட்புமனு தாக்கல் செய்தனர். இதையடுத்து வேட்புமனு தாக்கல் செய்தவர்கள் எண்ணிக்கை 22 ஆக உயர்ந்தது.

மனுதாக்கல் செய்ய இன்று கடைசி நாளாகும்.மாலை 3 மணியுடன் வேட்பு மனு தாக்கல் முடிவடைந்தது.

நாளை காலை 11 மணிக்கு வேட்பு மனுக்கள் பரீசிலனை செய்யப்படும். வரும் 3-ம் தேதி மாலை 3 மணி வரை மனுக்களை திரும்ப பெற்றுக் கொள்ளலாம். வரும் 10-ம் தேதி காலை 7 மணி முதல் 5 மணி வரை தேர்தல் நடக்கிறது. 12-ம் தேதி காலை 8 மணிக்கு வாக்குகள் எண்ணப்பட்டு முடிவுகள் அறிவிக்கப்படும்.

English summary

Filing of Nomination for TN localbody by poll ended today. In Nellai 20 vacancies going to the poll. The polling will be held on Jan 10, 2011. 22 candidates have filed their noiminations for Nellai by poll. Candidates can withdraw their nominations till Jan 3.