அமெரிக்க பங்கு சந்தை மோசடி: ராஜரத்னம் குற்றவாளி என அறிவிப்பு!

நியூயார்க்: இலங்கை தமிழரான ராஜ் ராஜரத்னம் அமெரிக்க பங்குச் சந்தையில் மோசடி செய்தது உண்மை என்பதை அந்நாட்டு நீதிமன்றம் உறுதிப்படுத்தியுள்ளது. இதைத் தொடர்ந்து அவருக்கு 20 ஆண்டுகள் வரை தண்டனை விதிக்கப்படும் எனத் தெரிகிறது.

இலங்கையில் பிறந்த தமிழர் ராஜ்ராஜரத்தினம் (வயது 53), அமெரிக்காவில் வசித்து வருகிறார். பெரும் தொழிலதிபர் இவர். 'கலியோன்' என்ற நிதி நிறுவனத்தை தொடங்கி, பங்கு வர்த்தகத்தில் ஈடுபட்டார். அதில், அவர் கோடிக்கணக்கான ரூபாய் மோசடி செய்ததாக குற்றச்சாட்டு எழுந்தது.

கடந்த 2008-ம் ஆண்டில் 9 மாதங்களாக, அவரது டெலிபோன் உரையாடலை ஒட்டுக்கேட்ட போலீசார், அவரை 2009-ம் ஆண்டு கைது செய்தனர். அவர் மீது 14 குற்றச்சாட்டுகள் சுமத்தப்பட்டன.

நியூயார்க் கோர்ட்டில், 12 நீதிபதிகளை கொண்ட குழு, கடந்த மார்ச் மாதம் விசாரணையை தொடங்கியது. இவ்வழக்கில், அனைத்து குற்றச்சாட்டுகளும் நிரூபிக்கப்பட்டதாக கூறி, ராஜரத்தினத்தை குற்றவாளி என்று நீதிபதிகள் அறிவித்தனர். அவருக்கான தண்டனை விரைவில் அறிவிக்கப்படும். அவருக்கு 20 ஆண்டுகள்வரை தண்டனை கிடைக்கும் என்று கருதப்படுகிறது.

English summary

Raj Rajaratnam, the billionaire investor who once ran one of the world’s largest hedge funds, was found guilty yesterday of fraud and conspiracy by a federal jury in Manhattan, giving the government its biggest victory yet in a widening investigation of insider trading.