டிஎன்ஏ சோதனைக்கு ரத்த மாதிரி கொடுக்க வராமல் கோர்ட்டையே டபாய்த்த என்டி திவாரி!
என்னைக் கட்டாயப்படுத்தி ரத்தம் எடுக்க முடியாது. நான் வர மாட்டேன் என்று கூறி விட்டார் திவாரி.திவாரி மீது அவரது மகன் என்று கூறப்படும் டெல்லி இளைஞர் ஒருவர் வழக்கு தொடர்நதுள்ளார். இந்தப் பிரச்சினை பல காலமாக நீடித்து வருகிறது. இந்தப் பிரச்சினைக்கு தீர்வு காண திவாரிக்கு டிஎன்ஏ சோதனை நடத்த டெல்லி உயர்நீதிமன்றம் உத்தரவிட்டது.
மே 10ம் தேதி இந்த உத்தரவு பிறப்பிக்கப்பட்டது. இந்த நிலையில் இன்று திவாரி சோதனைக்கு ரத்த மாதிரி கொடுக்க உயர்நீதிமன்ற வளாகத்தில் உள்ள மருத்துவமனைக்கு வர உத்தரவிடப்பட்டிருந்தது. ஆனால் திவாரி வரவில்லை.
இதுகுறித்து உயர்நீதிமன்றத்தில் அவர் சார்பில் தாக்கல் செய்யப்பட்ட மனுவில், இதுபோல யாரும் என்னைக் கட்டாயப்படுத்த முடியாது. நானாக விரும்பினால் மட்டுமே ரத்த மாதிரி எடுக்க முடியும். கட்டாயப்படுத்தி ரத்தம் எடுக்க முடியாது என்று கூறியிருந்தார்.
இந்த மனுவை நீதிபதிகளின் பரிசீலனைக்காக அனுப்பி வைத்திருப்பதாக கோர்ட் இணைப் பதிவாளர் தீபக் கார்க் தெரிவித்துள்ளார். இதையடுத்து ஜூலை 7ம் தேதி திவாரியின் மனு மீது உயர்நீதிமன்றம் முடிவெடுக்கும்.
Click it and Unblock the Notifications
Sign in with Google
