ஸ்டிரைக்: நாடு முழுவதும் வங்கிப் பணிகள் கடுமையாக பாதிப்பு

டெல்லி: வங்கிகளை இணைக்கும் நடவடிக்கைகளைக் கண்டித்தும், வங்கிப் பணிகளை தனியாரிடம் ஒப்படைப்பதை எதிர்த்தும் பொதுத்துறை வங்கி ஊழியர்கள் இன்று மேற்கொண்ட வேலைநிறுத்தத்தால் நாடு முழுவதும் வங்கிப் பணிகள் மிகக் கடுமையாக பாதிக்கப்பட்டன.

பொதுத்துறை வங்கிகள், பழைய தனியார் வங்கிகள், கூட்டுறவு வங்கிகள், மண்டல ஊரக வங்கிகளைச் சேர்ந்த சுமார் 10 லட்சம் ஊழியர்கள் இந்த வேலைநிறுத்தத்தில் ஈடுபட்டனர். இதையடுத்து தனியார் வங்கிகள் செயல்பட்டாலும், காசோலைகள் க்ளியர் ஆவது உள்ளிட்ட அடிப்படைப் பணிகள் நடக்கவில்லை.

இதனால் நாடு முழுவதும் அனைத்து வங்கிப் பணிகளும் பாதிக்கப்பட்டன.

கன்டேல்வால் கமிட்டி பரிந்துரைகள் வங்கி ஊழியர்களுக்கு எதிராக இருப்பதாகவும், அதை அமலாக்கக் கூடாது என்றும் வங்கி ஊழியர் சங்கங்கள் கூறி வருகின்றன. மேலும் பென்சன், அதிகாரிகளின் வேலை நேரம் ஆகிய விவகாரங்களில் நீண்ட கால கோரிக்கைகளை முன் வைத்தும் இன்றைய வேலை நிறுத்தம் நடந்தது.

English summary

Banking operations have been affected across the country today with the employees of public sector and old private sector banks going on a day-long strike in protest against banking sector reforms. Operations in the branches of public sector banks are affected and cheque clearance would be delayed.