உடல்நிலை தேறுகிறது... 3 வாரங்களில் இந்தியா திரும்புகிறார் சோனியா!

டெல்லி: அமெரிக்காவில் மருத்துவமனையில் அறுவைச் சிகிச்சை செய்து கொண்ட சோனியா, தற்போது குணமடைந்து வருவதாகவும், தீவிர சிகிச்சைப் பிரிவில் இருந்து அவர் மாற்றப்பட்டதாகவும் தகவல்கள் தெரிவிக்கின்றன.

அடுத்த மூன்று வாரங்களுக்குள் அவர் தலைநகர் டெல்லிக்கு வந்துவிடுவார் என காங்கிரஸ் தெரிவித்துள்ளது.

அறுவை சிகிச்சை முடிந்து தீவிர சிகிச்சைப் பிரிவில் அவர் 24 மணி நேரம் கண்காணிப்பில் இருந்தார். அவர் குணம் அடைய பிரார்த்தித்தும் வாழ்த்தியும் தகவல்கள் கொடுத்த அனைவருக்கும் சோனியாவின் குடும்பத்தினர் நன்றி தெரிவித்தனர்.

சோனியா தற்போது சாதாரண பிரிவுக்கு மாற்றப்பட்டுள்ளார்,' என்று காங்கிரஸின் ஊடகத் தொடர்பாளர் ஜனார்த்தன் திவிவேதி தெரிவித்தார்.

சோனியா - ராகுல் இல்லாமல் கூடிய காங்கிரஸ் கூட்டம்

இதற்கிடையே, காங்கிரஸ் கட்சியின் மத்தியக் குழு கூட்டம் இன்று டெல்லியில் கூடியது. ஐக்கிய முற்போக்கு கூட்டணி தலைவர் சோனியா, காங்கிரஸ் பொதுச் செயலர் ராகுல் காந்தி இல்லாமல் கூடும் முதல் கூட்டம் இதுவே.

காமன்வெல்ட் ஊழலில் பிரதமர் அலுவலகத்தை தொடர்புபடுத்தி சிஏஜி வெளியிட்ட அறிக்கை குறித்து இக்கூட்டத்தில் விவாதிக்கப்பட்டது.

English summary

Congress President Sonia Gandhi has been shifted out of the Intensive Care Unit (ICU), where she was kept under observation for 24 hours post surgery. Meanwhile, Congress core committee, led by Prime Minister Manmohan Singh on Saturday met for the first time after UPA chairperson Sonia Gandhi went to the hospital.