நாடாளுமன்றம் கூடியது- இரு அவைகளிலும் அன்னா விவகாரத்தால் அமளி- ஒத்திவைப்பு

டெல்லி: அன்னா ஹஸாரே கைது விவகாரம் நாடாளுமன்றத்தின் இரு அவைகளிலும் இன்று புயலைக் கிளப்பியது. கேள்வி நேரத்தை ஒத்தி வைத்து விட்டு விவாதிக்க வேண்டும் என்று பாஜக நோட்டீஸ் கொடுத்தது. இதற்கு எதிர்ப்பு தெரிவித்து காங்கிரஸ் கட்சி எம்.பிக்கள் அமளியில் ஈடுபட்டதால் இரு அவைகளும் பிற்பகல் 12 மணி வரை ஒத்திவைக்கப்பட்டுள்ளன.

நாடாளு்மன்றத்தின் இரு அவைகளும் இன்று முற்பகல் 11 மணிக்குக் கூடியபோது அன்னா ஹஸாரே விவகாரம் வெடித்தது. பாஜக மற்றும் இடதுசாரி உறுப்பினர்கள் எழுந்து ஹஸாரே கைது விவகாரத்தைக் கண்டித்தனர். பாஜக கேள்வி நேரத்தை ஒத்திவைத்து விவாதிக்க கோரியது.

இதற்கு காங்கிரஸ் உறுப்பினர்கள் எதிர்ப்பு தெரிவித்தனர். மேலும், இந்த கைது நடவடிக்கை சரியே என்றும் அவர்கள் கடுமையாக வாதிட்டனர். இதனால் இரு அவைகளிலும் அமளி ஏற்பட்டது.

இதையடுத்து இரு அவைகளும் பிற்பகல் 12 மணி வரைக்கும் ஒத்திவைக்கப்பட்டன.

English summary

Anna Hazare arrest episode created ruckus in both the houses of Parliament today. Both Loksabha and Rajya sabhe were adjourned.