விதியை மீறி ஊர்வலம் தேமுதிக வேட்பாளர் உள்பட 300 பேர் மீது வழக்கு!

புதுக்கோட்டை: புதுக்கோட்டை இடைத்தேர்தலுக்காக மனுத் தாக்கல் செய்ய வந்த தேமுதிக வேட்பாளர் விதிமுறையை மீறியதாகக் கூறி அவர் மீது வழக்குப் பதிவு செய்யப்பட்டுள்ளது. அவரது ஆதரவாளர்கள் 300 பேர் மீதும் தேர்தல் விதிமுறை மீறல் வழக்கு தொடரப்பட்டுள்ளது.

புதுக்கோட்டை இடைத்தேர்தல் ஜுன் 12-ந் தேதி நடக்கிறது. இதையொட்டி நேற்று வேட்பு மனுத்தாக்கல் தொடங்கியது. நேற்று மட்டும் 2 பேர் வேட்பாளர்கள் மனுத் தாக்கல் செய்துள்ளனர்.

தே.மு.தி.க. வேட்பாளர் ஜாகீர் உசேன் நேற்று மதியம் ஊர்வலமாக வந்து ஆர்.டி.ஓ. அலுவலகத்தில் மனுதாக்கல் செய்தார்.

அப்போது அலுவலகத்துக்கு அருகில் தேர்தல் நடத்தை விதியை மீறி அனுமதி இன்றி ஊர்வலமாக வந்ததாக தே.மு.தி.க. வேட்பாளர் ஜாகீர் உசேன் மற்றும் 300 பேர் மீது ஆதனக்கோட்டை போலீஸ் சப்-இன்ஸ்பெக்டர் சந்திரமோகன் புதுக்கோட்டை கணேஷ்நகர் போலீசில் புகார் செய்தார்.

அதன் அடிப்படையில் தே.மு.தி.க. வேட்பாளர் ஜாகீர் உசேன் மற்றும் 300 பேர் மீது தேர்தல் விதி மீறல் வழக்கு பதிவு செய்யப்பட்டு உள்ளது.

English summary

The Pudukottai police filed election rule violation cases on DMDK candidate Zakhir Hussain and 300 others on Friday.