கவர்ச்சி அழகிகளை வைத்து சவப்பெட்டிக்கு விளம்பரம் தேடும் போலந்து நிறுவனம்

வார்சா: கவர்ச்சிகரமான அழகிகளை வைத்து சவப்பெட்டிகளுடன் போஸ் கொடுத்து அதை காலண்டராக்கி போலந்து நிறுவனம் ஒன்று சர்ச்சையில் சிக்கியுள்ளது. இந்த நிறுவனத்தின் இந்த விளம்பர உத்திக்கு போல்ந்து கிறிஸ்தவ சர்ச்சுகள் கண்டனம் தெரிவித்துள்ளன.

போலந்தைச் சேர்ந்த லின்ட்னர் என்ற நிறுவனம் சவப்பெட்டி தயாரிப்பில் ஈடுபட்டுள்ளது. தனது தயாரிப்பு சவப்பெட்டிகளுக்கு விளம்பரம் தேட அது காலண்டர் தயாரித்துள்ளது. 2013ம் ஆண்டு காலண்டரை அது வித்தியாசமாக தயாரித்துள்ளது.

அதாவது கவர்ச்சிகரமான அழகிகள் சவப்பெட்டிகளுடன் போஸ் தருவது போன்ற படங்களை இந்த காலண்டரில் அது இடம் பெறச் செய்துள்ளது.

அரை நிர்வாண, முக்கால் நிர்வாண கோலத்தில் பெண்கள் போஸ் கொடுத்துள்ளனர். சிலர் ஜெர்மனி நாட்டு ஆயில் பெயிண்டிங் முறைப்படி உடம்பில் ஒட்டுத் துணியில்லாமல் போஸ் கொடுத்துள்ளனர். இது அங்கு சர்ச்சையைக் கிளப்பியுள்ளது. இது பொருத்தமற்ற செயல் என்று கிறிஸ்தவ அமைப்புகள், சர்ச்சுகள் கண்டித்துள்ளன. மரணம் என்பது புனிதமானது. அதை செக்ஸ் கலந்து விளம்பரப்படுத்துவது தவறு என்று அவர்கள் கண்டித்துள்ளனர்.

ஆனால் இதை நிராகரித்துள்ளார் லின்ட்னர் நிறுவன உரிமையாளரான ஜிபிங்யூ லின்ட்னர். இதுகுறித்து அவர் கூறுகையில், இது எனது மகனின் யோசனை. ஒரு அழகான காலண்டராக இது உருவாகியுள்ளது. இதில் அசிங்கம் எதுவும் இல்லை. மேலும் சவப்பெட்டி தயாரிப்பு என்பது முற்றிலும் ஒரு பிசினஸ் விஷயம். இதை மத ரீதியாக மட்டும் பார்க்கக் கூடாது. எனவே இது ஒரு வகையில் பிசினஸ் புரமோஷன் போலத்தான் என்று கூறியுள்ளார்.

English summary

A Polish coffin company has angered the Catholic church after producing a calendar featuring topless women posing with their caskets. The marketing ploy features semi-naked women in provocative poses on and next to coffins made by company Lindner. The Catholic church has condemned the calendar saying human death should be respected and not mixed with sex.