கத்தார் தொழிலதிபருடன் ஜாக்சன் தங்கச்சிக்கு நிச்சயதார்த்தம்

நியூயார்க்: மறைந்த பாப் மன்னன் மைக்கேல் ஜாக்சனின் தங்கையான ஜேனட் ஜேக்சனுக்கும், அவர் கடந்த 2 வருடங்களாக காதலித்து வரும் கத்தார் நாட்டுத் தொழிலதிபருமான விஸ்ஸம் அல் மனாவுக்கும் இடையே நிச்சயதார்த்தம் முடிந்துள்ளதாக செய்திகள் கூறுகின்றன.

கத்தார் நாட்டைச் சேர்ந்த பெரும் கோடீஸ்வரர் இந்த மனா. 37 வயதாகிறது. அவரும் 46 வயதான ஜேனட்டும் கடந்த 2010 முதல் காதலித்து வருகின்றனர். இந்த நிலையில் தற்போது இருவருக்கும் இடையே நிச்சயதார்த்தம் முடிந்துள்ளதாக செய்திகள் கூறுகின்றன. இந்த நிச்சயதார்த்தத்தின்போது ஜேனட்டுக்கு மிகவும் விலை உயர்ந்த, பெரிய மோதிரத்தை அணிவித்தாராம் மனா. ஆனால் இந்த மோதிரம் பெரிதாக இருப்பதாலும், விலை அதிகமாக இருப்பதாலும் தொலைந்து விடக் கூடாது என்பதற்காக கையில் போடாமல் கழற்றி வீட்டில் பத்திரமாக வைத்துள்ளாராம் ஜேனட்.

இருவருக்கும் கத்தாரில் வைத்து திருமணம் நடக்கலாம் என்று எதிர்பார்க்கப்படுகிறது. ஜேனட்டுக்கு இது முதல் திருமணமல்ல. இதற்கு முன்பு அவர் இரண்டு முறை திருமணம் செய்து விவாகரத்து செய்தவர் என்பது குறிப்பிடத்தக்கது.

English summary

Janet Jackson has reportedly become engaged to Qatari billionaire Wissam Al Mana, whom she's been dating since 2010. The 37-year-old businessman 'gave her a huge, expensive ring' and the 46-year-old pop star is so afraid it will get lost, 'she keeps it locked up,' according to Us Weekly.