குவைத்தை ஆக்கிரமித்த ஈராக்கை விரட்டியடித்த அமெரிக்க ராணுவ தளபதி மரணம்

நியூயார்க்: குவைத் நாட்டை ஆக்கிரமித்த ஈராக்கை 1991-ம் ஆண்டு விரட்டியடித்த அமெரிக்க ராணுவ தளபதி நார்மன் ஸ்வார்ஜ்கோஃப் (Norman Schwarzkopf) உடல் நலக் குறைவால் காலமானார்.

1991-ம் ஆண்டு குவைத் நாட்டை சதாம் உசேன் தலைமையிலான ஈராக் படை ஆக்கிரமித்தது. இதைத் தொடர்ந்து அமெரிக்க படைகள் ‘ஆப்பரேஷன் பாலைவனப் புயல்' என்ற பெயரில் தலையிட்டு சதாமின் படைகளை விரட்டியடித்தது. இந்தப் போரை தலைமை ஏற்று நடத்தியவர் நார்மன் ஸ்வார்ஜ்கோஃப்.

வியட்நாம் போரின்போது அமெரிக்காவின் படையில் சேர்ந்த இவர் உடல்நலக் குறைவால் தமது 78-வது வயதில் உயிரிழந்தார்.

English summary

Norman Schwarzkopf, the US army general who drove Saddam Hussein's forces from Kuwait in 1991 as commander of the lightning-quick campaign known as Operation Desert Storm, has died at the age of 78.