சூப்பர் மார்க்கெட்டில் வேலைக்குச் சேர்ந்தார் இளவரசர் வில்லியமின் மச்சினிச்சி!

லண்டன்: இளவரசர் வில்லியமின் மனைவி கேட் மிடில்டனின் தங்கை பிப்பா மிடில்டன், சூப்பர் மார்க்கெட் ஒன்றில் வேலைக்குச் சேர்ந்துள்ளார். ஆனால் மளிகை சாமான் எடுத்துத் தரும் வேலையில் அவர் சேரவில்லையாம். மாறாக அந்த சூப்பர் மார்க்கெட்டின் இன்ஹவுஸ் பத்திரிக்கையில் எழுதப் போகிறாராம் -அதாவது எழுத்தாளராக சேர்ந்துள்ளார்.

இதுதொடர்பான பணி நியமன ஒப்பந்தத்தில் பிப்பா கையெழுத்திட்டுள்ளாராம். வெட்ய்ரோஸ் என்பது அந்த சூப்பர்மார்க்கெட்டின் பெயராகும். அதன் இன்ஹவுஸ் பத்திரி்க்கையில்தான் இனி எழுதப் போகிறார் பிப்பா. பல்வேறு டிப்ஸ் உள்ளிட்டவற்றை அவர் எழுதுவாராம். இது மாதாந்திர பத்திரிக்கையாகும்.

இந்தப் புதிய வேலை குறித்து பிப்பா கூறுகையில், இது மகிழ்ச்சி தருகிறது. இந்த வேலையை எதிர்நோக்கியுள்ளேன் என்றார். சூப்பர் மார்க்கெட் பத்திரிக்கையின் ஏப்ரல் மாத இதழின் அட்டைப் படத்திலும் பிப்பா இடம் பெறவுள்ளார் என்பது குறிப்பிடத்தக்கது.

English summary

Pippa Middleton, the younger sister of Prince William's wife Catherine, has signed a deal to write for the in-house magazine of a British supermarket, it announced on Monday. The 29-year-old, who shot to fame when she was a bridesmaid at the royal wedding in 2011, will share her tips on entertaining for friends in a monthly column for upmarket supermarket Waitrose.