மீன் வயிற்றில் வெடிகுண்டு: அல்லோகல்லப்பட்ட சீன மீன் மார்க்கெட்

பீஜிங்: சீனாவில் உள்ள மீன் மார்க்கெட் ஒன்றில் விற்பனைக்கு வைக்கப்பட்ட மீன் ஒன்றின் வயிற்றில் வெடிகுண்டு இருந்தது கண்டுபிடிக்கப்பட்டது. இதனால் அங்கு பரபரப்பு ஏற்பட்டது.

தெற்கு சீனாவில் உள்ள குவாங்டாங் மாகாணத்தில் மீன் மார்க்கெட் ஒன்று உள்ளது. அங்கு ஹுவாங் என்ற மீனவரிடம் ஒருவர் மீன் வாங்கியுள்ளார். ஹுவாங் அந்த மீனை நறுக்க முயன்றபோது ஏதோ ஒரு இரும்பு போன்ற ஒன்றில் கத்தி பட்டது. மீன் வயிற்றில் இரும்பா என்று பார்த்தபோது அது வெடிகுண்டு என்பது தெரிய வந்தது. 3 அடி மீன் வயிற்றில் 8 இன்ச் வெடிகுண்டு இருந்தது.

உடனே இது குறித்து ஹுவாங் போலீசாருக்கு தகவல் கொடுத்தார். தகவல் கிடைத்தவுடன் அவர்கள் மார்க்கெட்டிற்கு விரைந்து வந்து வெடிகுண்டை பறிமுதல் செய்தனர். அந்த குண்டு பழையதாக இருந்தாலும் வெடிக்கும் திறனுடையது என்பது கண்டுபிடிக்கப்பட்டது.

ஏதாவது போர் விமானத்தில் இருந்து குண்டு கடலுக்குள் விழுந்திருக்கலாம். அதை மீன் விழுங்கியிருக்கலாம் என்று போலீசார் தெரிவித்தனர். ஆனால் அந்த குண்டு எவ்வளவு பழமையானது, சீனாவில் தயாரிக்கப்பட்டதா என்பதை போலீசார் தெரிவிக்கவில்லை. இந்த மீன் ஜியாவோலிங் கவுன்ட்டி கடல் பகுதியில் பிடிக்கப்பட்டது.

English summary

A live bomb was found inside the belly of a squid in the Guangdong province in China.