ஓசிஐ அட்டை வைத்திருக்கும் வெளிநாட்டு இந்தியர்களுக்கு புதிய விதிமுறை

வாஷிங்டன்: வெளிநாட்டில் வசிக்கும் இந்தியர்களுக்கான அட்டை (Overseas Citizens of India card holders- OCI) வைத்திருப்போருக்கு புதிய விதிமுறையை வாஷிங்டனில் உள்ள இந்தியத் தூதரகம் அறிவித்துள்ளது.

இதன்படி இந்த அட்டை வைத்திருப்போர் இந்தியாவுக்குப் பயணிக்கும்போது இந்த அட்டையுடன் தரப்பட்ட சிறு புத்தகத்தையும் (OCI booklet) உடன் கொண்டு வர வேண்டும் என்றும், மேலும் அவர்களது பாஸ்போர்ட்டில் 'U' visa பெற்றதற்கான ஸ்டிக்கர் ஒட்டப்பட்டிருக்க வேண்டும் என்றும் தெரிவிக்கப்பட்டுள்ளது.

இந்த அட்டை வைத்திருப்போருக்கு இந்தியாவுக்கு பலமுறை நுழைய (multiple entry) உதவும் விசா கிடைக்கிறது. மேலும் வாழ்நாள் முழுவதும் இந்தியாவுக்கு வர உதவும் விசாவும் கிடைக்கிறது என்பது குறிப்பிடத்தக்கது.

அதே நேரத்தில் OCI அட்டை வைத்திருப்போரின் மைனர் குழந்தைகளுக்கு இந்த அட்டை தரப்படுவதில்லை. அவர்கள் இந்திய வம்சாவளியினர் (People of Indian Origin- PIO) என்பதற்கான அட்டையைப் பெற முடியும்.

அதே போல பாகிஸ்தான், வங்கதேச நாட்டைச் சேர்ந்த குடிமக்களாக இருந்த இந்தியருக்கு OCI அட்டை வழங்கப்படுவதே இல்லை.

English summary

The Overseas Citizens of India card holders, while travelling to India, must carry the OCI booklet and their passport having 'U' visa sticker, the Indian Embassy has said. While the OCI card provides its holder a multiple entry, multi-purpose life-long visa for visiting India, in many cases its holders are required to apply for its re-issuance, including re-issuance of new passport for those below 20 and above 50.