கண்ட இடத்தில் தொட்டு பெண்ணிடம் அநாகரீகம்.. வயதானவரின் அடையாளம் தெரிந்தது.. போலீஸ் தேடியதும் எஸ்கேப்

பெங்களூர்: பெங்களூரில் உள்ள பிரபல மாலில் வைத்து பெண்ணிடம் அநாகரிகமாக நடந்து கொண்ட வயதான நபரின் அடையாளம் தெரிந்தது. ஓய்வு பெற்ற ஹெட்மாஸ்டர் ஆன அந்த நபர் போலீசார் தேடுவதை அறிந்தது வீட்டை பூட்டி விட்டு தப்பி ஓடியிருக்கிறார்.

பெங்களூரில் உள்ள பிரபல மாலில் வைத்து பெண்ணிடம் அநாகரிகமாக நடந்து கொண்ட வயதான நபரின் அடையாளம் தெரிந்தது. ஓய்வு பெற்ற ஹெட்மாஸ்டர் ஆன அந்த நபர் போலீசார் தேடுவதை அறிந்தது வீட்டை பூட்டி விட்டு தப்பி ஓடியிருக்கிறார்.

பெங்களூரில் பிரபலமான லூலூ மாலில் அண்மையில் நடந்த ஒரு சம்பவம் பலரையும் அதிரவைத்தது. மாலில் உள்ள கேம் சென்டரில், இளம் பெண் ஒருவர் நீல நிற உடையில் நின்று கொண்டிருக்கிறார். பின்னாடியே கண்ணாடி அணிந்தபடி வந்த வயதானவர் ஒருவர் திடீரென அந்த பெண்ணின் பின்னால் சென்று உரசி, சில வினாடிகள் அநாகரீகமாக நடந்து கொள்கிறார். பின்னர் ஒன்றும் தெரியாதது போல் அங்கிருந்து செல்கிறார்.

13 வினாடிகள் உள்ள இந்த வீடியோ பார்ப்பவரக்ளை அதிரவைத்தது. அந்த பெண் சிறுமியா அல்லது பெரிய பெண்ணா என்பது சரியாக தெரியவில்லை.. அந்த பெண்ணின் முகம் தெளிவாக தெரியவில்லை.. வீடியோவில் அநாகரிகமாக நடந்து கொண்டவர் மீது நடவடிக்கை எடுக்க வேண்டும் என பலரும் பெங்களூர் மாநகர போலீஸை டேக் செய்து இருந்தனர். இதையடுத்து பெங்களூர் போலீசார் எந்த இடம், நடந்தது எப்போது என்று கேள்வி எழுப்பியதுடன், உறுதியாக நடவடிக்கை எடுக்கப்படும் என்று தெரிவித்தனர்.

தலைமை ஆசிரியர்: இதையடுத்து, வழக்குபதிவு செய்த போலீசார், அநாகரிகமாக நடந்து கொண்ட முதியவரை கண்டுபிடித்தனர். விசாரணையில் அவர் பள்ளி ஒன்றில் தலைமை ஆசிரியராக பணியாற்றிவராம். கடந்த 8 மாதங்களுக்கு முன் தான் பணியில் இருந்து ஓய்வு பெற்று இருக்கிறார். போலீசார் தன்னை தேடுவதை அறிந்ததும் தலைமறைவு ஆகிவிட்டாராரம். இது குறித்து போலீசார் கூறியதாவது:-

தலைமறைவு: "வீடியோவில் இடம் பெற்றிருந்த நபரின் வீட்டை நாங்கள் கண்டுபிடித்து விட்டோம். ஆனால் அவர் வீட்டை விட்டு தப்பி ஓடிவிட்டார். அவரது வீடு பூட்டி கிடந்தது. அவர் இருக்கும் இடத்தை தற்போது தேடி வருகிறோம்" என்றனர். முன்னதாக சமூக வலைத்தளங்களில் இது தொடர்பான வீடியோ பரவி நெட்டிசன்கள் மத்தியில் கடும் கண்டனத்திற்கு உள்ளானது.

நெட்டிசன்கள் பலரும் பொது இடங்களில் பெண்களின் பாதுகாப்பு கேள்விக்குறியாக இருப்பதாகவும் இத்தகைய அநாகரீக செயலில் ஈடுபடுவர்கள் மீது கடுமையான நடவடிக்கையை போலீசார் எடுக்க வேண்டும் என வலியுறுத்தி வந்தனர். வீடியோவை எடுத்த நபர் அளித்த தகவலின் பேரில் மால் நிர்வாகவும் அநாகரிகமாக நடந்து கொண்ட நபரை தேடியது. ஆனால், அவரை கண்டுபிடிக்க முடியவில்லை.அதன்பிறகு அருகில் உள்ள காவல் நிலையத்தில் புகார் அளித்துள்ளனர்.

English summary

The identity of an elderly man who allegedly misbehaved with a woman at a popular mall in Bangalore has been identified. The man, who is a retired headmaster, locked his house and fled after learning that the police were looking for him.