கர்நாடகா: முதல் லிஸ்ட் பத்த வெச்சது பத்தலையா.. 2-வது வேட்பாளர் பட்டியலை நள்ளிரவில் வெளியிட்ட பாஜக!
பெங்களூர்: கர்நாடகா சட்டசபை தேர்தலில் போட்டியிடும் 2-வது பாஜக வேட்பாளர்கள் பட்டியல் புதன்கிழமை நள்ளிரவு வெளியிடப்பட்டது. மொத்தம் 23 தொகுதிகளுக்கான வேட்பாளர்களை பாஜக அறிவித்துள்ளது.
க்ர்நாடகா சட்டசபை தேர்தலில் போட்டியிடும் பாஜகவின் வேட்பாளர்கள் பட்டியல் நேற்று வெளியிடப்பட்டது. மொத்தம்m உள்ள 224 தொகுதிகளில் 189 தொகுதிகளுக்கான வேட்பாளர்களை முதல் கட்டமாக பாஜக நேற்று வெளியிட்டது.
பாஜக வேட்பாளர் பட்டியல் வெளியான நிமிடம் முதல் தற்போது அம்மாநில பாஜகவில் வெட்டு குத்துதான். திரும்பிய பக்கம் எல்லாம் எனக்கு சீட் இல்லை.. உனக்கு சீட் இல்லை என்கிற புலம்பல்தான். கர்நாடகாவின் பல பகுதிகளில் தங்களது தலைவர்களு9க்கு சீட் தரவில்லை என்ற கோபத்தில் பாஜக தலைமைக்கு எதிரான கலகக் குரல்கள் வெடித்து கிளம்புகின்றன. பல ஆயிரக்கணக்கானோர் பாஜகவில் இருந்து கொத்து கொத்தாக, கூண்டோடு அக்கட்சியில் இருந்து விலகி வருகின்றனர்.
கர்நாடகா தேர்தலில் பாஜகவுக்கு மிகப் பெரிய அதிர்ச்சியை தந்திருக்கிறந்து இந்த முதல் வேட்பாளர் பட்டியல். தற்போதைய நிலையில் பாஜகவின் அதிகாரப்பூர்வ வேட்பாளர்களுக்கு எதிராக பல தொகுதிகளில் பாஜகவினரே சுயேட்சைகளாக போட்டியிடக் கூடிய சூழ்நிலை நிலவுகிறது. ஏற்கனவே வாரிசு அரசியலை காரணம் காட்டி பெரும்பாலான பாஜக தலைவர்களின் வாரிசுகளுக்கு சீட் மறுக்கப்பட்டிருக்கிறது. அதேபோல சீனியர் தலைவர்கள் பலருக்கும் சீட் வழங்கப்படவில்லை.
இப்படியான பிரளயத்துக்கு இடையே 2-வது கட்ட வேட்பாளர் பட்டியலை இன்று புதன்கிழமை நள்ளிரவு பாஜக வெளியிட்டது. இதில் மொத்தம் 23 வேட்பாளர்கள் இடம்பெற்றுள்ளனர். இந்த வேட்பாளர் பட்டியலும் எத்தகைய பிரளயத்தை உருவாக்குமோ என்பது டெல்லி பாஜக மேலிடத்தின் கவலை.
Click it and Unblock the Notifications
Sign in with Google