Choose Language
செய்திகள்
நகரம்
ஜோதிடம்
தமிழ் தினசரி காலண்டர்
சினிமா
லைப்ஸ்டைல்
லைப்ஸ்டைல்

கர்நாடகா சட்டசபை தேர்தல் 2023 LIVE : 224 தொகுதிகளிலும் விறுவிறு வாக்குப் பதிவு நிறைவு!

By
Time
Subscribe to Oneindia Tamil

பெங்களூரு: கர்நாடகாவில் 224 சட்டசபை தொகுதிகளுக்கும் ஒரே கட்டமாக இன்று காலை 7 மணிக்கு வாக்குப் பதிவு தொடங்கி மாலை 6 மணிவரை விறுவிறுப்பாக நடைபெற்றது. மாலை 5 மணி நிலவரப்படி கர்நாடகாவில் மொத்தம் 65% வாக்குகள் பதிவாகி இருக்கின்றன.

கர்நாடகாவில் மொத்தம் 224 சட்டசபை தொகுதிகள் உள்ளன. கர்நாடகாவில் ஆட்சி அமைக்க தேவையான இடங்கள் 113. கர்நாடகாவில் ஆளும் பாஜக, காங்கிரஸ் மற்றும் ஜேடிஸ் கட்சிகளிடையே பிரதான போட்டி நிலவுகிறது. ஆம் ஆத்மி உளிட்ட சில கட்சிகளும் தேர்தலை எதிர்கொண்டுள்ளன.

Karnataka Assembly Election 2023 Polling LIVE: Voting for all 224 seats today

May 10, 2023, 6:21 pm IST

கர்நாடகா சட்டசபை தேர்தல் வாக்குப் பதிவு நிறைவு!
May 10, 2023, 6:20 pm IST

கர்நாடகாவில் மாலை 6 மணியுடன் வாக்குப் பதிவு நிறைவு- மாலை 5 மணி வரை சுமார் 65.69% வாக்குகள் பதிவு
May 10, 2023, 6:05 pm IST

கர்நாடக சட்டசபை தேர்தல் வாக்குப்பதிவிற்கான நேரம் நிறைவடைந்தது
May 10, 2023, 6:04 pm IST

கர்நாடகா சட்டசபை தேர்தல் வாக்குப் பதிவு நிறைவு
May 10, 2023, 6:04 pm IST

224 தொகுதிகளில் காலை 7 மணி முதல் மாலை 6 மணிவரை வாக்குப் பதிவு
May 10, 2023, 6:04 pm IST

கர்நாடகா தேர்தலில் வன்முறை இல்லாமல் அமைதியாக வாக்குப் பதிவு
May 10, 2023, 6:03 pm IST

கர்நாடகா தேர்தலில் இன்று பதிவான வாக்குகள் மே 13-ல் எண்ணப்படும்
May 10, 2023, 5:48 pm IST

கர்நாடக தேர்தலில் மாலை 5 மணி நிலவரப்படி 65.69% வாக்குகள் பதிவாகியுள்ளன.
May 10, 2023, 5:32 pm IST

சித்தப்பூரில் உள்ள வாக்குச் சாவடிகளுக்கு வாக்காளர்கள் வருவதைத் தடுக்கும் நடவடிக்கைகள் எடுக்கப்பட்டு வருவதாகக் காங்கிரஸ் எம்எல்ஏ பிரியங்க் கார்கே குற்றஞ்சாட்டியுள்ளார். இதனால் சட்டப்பேரவைத் தேர்தலுக்கு வாக்களிக்கும் நேரத்தை நீட்டிக்க வேண்டும் என்றும் தேர்தல் ஆணையத்திடம் கோரிக்கை விடுத்துள்ளார்.
May 10, 2023, 5:28 pm IST

பாஜகவுக்கு கடும் போட்டி; யாத்கிர் மாவட்டம்!

பாஜகவுக்கு கடும் போட்டி; யாத்கிர் மாவட்டம்!
கர்நாடகாவின் 30ஆவது மாவட்டமான யாத்கிர் இன்னும் பாஜகவுக்கு சிக்கலாகவே இருக்கிறது. 1957 முதல், இங்கே பாஜக ஒரு முறை (2008இல் ஷோராபூர் தொகுதி) மட்டுமே வெற்றி பெற்றது.. மற்ற மூன்று சட்டமன்றத் தொகுதிகளான ஷஹாபூர், யாத்கிர் மற்றும் குர்மித்கல்லில் பாஜக ஒரு முறை கூட வெல்லவில்லை.
May 10, 2023, 5:15 pm IST

கர்நாடகாவில் விஜயபுரா மாவட்டத்தில் உள்ள ஒரு கிராமத்தில் வாக்குப்பதிவு அதிகாரி தாக்கப்பட்டு, வாக்குப்பதிவு இயந்திரங்களை நாசப்படுத்திய குற்றச்சாட்டில் இதுவரை 23 பேர் கைது செய்யப்பட்டனர்.
May 10, 2023, 5:06 pm IST

கர்நாடகாவில் இதுவரை ரூ. 375 கோடி மதிப்பிலான மது, போதைப்பொருள் மற்றும் இலவசப் பொருட்களை அமலாக்கத்துறையினர் பறிமுதல் செய்துள்ளனர். இது கடந்த சட்டமன்றத் தேர்தலின் போது கைப்பற்றப்பட்டதை விட 4.5 மடங்கு அதிகம் என்று தேர்தல் ஆணையம் தெரிவித்துள்ளது.
May 10, 2023, 4:51 pm IST

கனக்புராவில் பதிவான வாக்குகள்; டிகே சிவக்குமார்!

கனக்புராவில் பதிவான வாக்குகள்; டிகே சிவக்குமார்!
2008இல் காங்கிரஸ் தலைவர் டிகே சிவக்குமார் 53% வாக்குகளை பெற்று ம.ஜ.த கட்சியிடம் இருந்து இந்த தொகுதியை கைப்பற்றினார். அவர் பெற்ற வாக்குகள் 2013இல் 59% ஆகவும், 2018இல் 69% ஆகவும் அதிகரித்தது. அதேபோல இவருக்கும் இரண்டாம் இடத்தை பிடித்தவருக்குமான வாக்கு வித்தியாசம் 7,179 இலிருந்து 79,909 ஆக அதிகரித்தது.
May 10, 2023, 4:45 pm IST

கர்நாடகா சட்டசபை தேர்தலில் இன்ஃபோசிஸ் இணை நிறுவனர் நாராயண மூர்த்தி, அவரது மனைவி சுதா மூர்த்தி வரிசையில் நின்று வாக்களித்தனர். அப்போது சுதா மூர்த்தி, "வாக்களிப்பது ஜனநாயகத்தின் புனிதமான பருதி. வயதானவர்கள் காலையிலேயே வந்து வாக்களிக்கிறார்கள். இளைஞர்கள் இதை கற்றுக் கொள்ள வேண்டும்" என்றார்.
May 10, 2023, 4:44 pm IST

இந்த வருடமும் வாக்குப்பதிவு பெங்களூரில் குறைவாகவே உள்ளது!
May 10, 2023, 4:27 pm IST

கர்நாடக தேர்தல் குறித்து மல்லிகார்ஜுன கார்கே கூறுகையில், "கடந்த 55 ஆண்டுகளாக நான் வாக்களித்து வருகிறேன். மக்களின் உற்சாகத்தைப் பார்க்கும்போது, ​​காங்கிரஸ் வெல்லும்.. ஏழைகள் நலனை கருத்தில் கொண்டே வாக்களிக்க வேண்டும் என்பதே எனது கொள்கை, அதனால்தான் நானும் எனது மனைவியும் ஒவ்வொரு முறையும் தவறாமல் வாக்களிக்கிறோம்" என்றார்,
May 10, 2023, 4:14 pm IST

கர்நாடக சட்டசபை தேர்தலில் பெங்களூரு ஹுப்பள்ளியில் மத்திய அமைச்சர் பிரகலாத் ஜோஷி, ஷோபா கரந்த்லாஜே வாக்களித்தனர்.
May 10, 2023, 4:02 pm IST

கர்நாடகா தேர்தலில் பிற்பகல் 3 மணி நிலவரப்படி 52.03% வாக்குகள் பதிவாகியுள்ளன!
May 10, 2023, 4:01 pm IST

கர்நாடகாவில் பாஜக வெல்ல வேண்டும் என்று சென்னை மயிலாப்பூரில் உள்ள கபாலீஸ்வரர் கோயிலில் நடிகை நமீதா சிறப்பு வழிபாடு நடத்தினார். கருத்துக்கணிப்புகளைப் பொய்யாக்கி கர்நாடகாவில் பாஜக பெரும்பான்மையுடன் வெல்லும் என்றும் நமீதா நம்பிக்கை தெரிவித்தார்.
May 10, 2023, 3:47 pm IST

கர்நாடகா தேர்தலில் பிற்பகல் 3 மணி நிலவரப்படி 52.03% வாக்குகள் பதிவாகியுள்ளன.
May 10, 2023, 3:39 pm IST

கர்நாடக காங்கிரஸ் கமிட்டி தலைவர் டிகே சிவக்குமார் கூறுகையில், "அனைவரிடமும் நான் கேட்டுக் கொள்வது ஒன்றுதான்.. உங்கள் வீட்டில் இருக்கும் கேஸ் சிலிண்டர்களை பார்த்து விட்டு வாக்களிக்கவும். வாக்குச் சாவடிக்கு வெளியே காங்கிரஸ் நிர்வாகிகள் சமையல் கேஸ் சிலிண்டரை வைத்து அதற்கு மாலை அணிவிக்குமாறு கேட்டுள்ளேன்.. பணவீக்கத்தைக் கட்டுப்படுத்த பாஜக தவறிவிட்டது. அத்தியாவசியப் பொருட்களின் விலை உயர்வால் மக்கள் அவதிப்பட்டு வருகின்றனர்" என்றார்.
May 10, 2023, 3:38 pm IST

ஸ்ரீமந்த்திற்கு கடும் போட்டி!

ஸ்ரீமந்த்திற்கு கடும் போட்டி!
பாஜக வேட்பாளர் ஸ்ரீமந்த் பாலாசாகேப் பாட்டீலுக்கு கக்வாட் தொகுதியில் கடும் போட்டி நிலவுகிறது. 2019இல் அவர் காங்கிரஸ் கட்சியிலிருந்து பாஜகவுக்குத் தாவிய பின்னர், அவரது வாக்கு 57% லிருந்து 54.2% ஆகக் குறைந்தது. இப்போது கக்வாட்டில் பாஜக சார்பில் களமிறங்கும் ஸ்ரீமந்த் பாலாசாகேப் கடும் போட்டியை எதிர்கொள்ளப் போகிறார்.
May 10, 2023, 3:09 pm IST

நேற்றிரவு மங்களூரு வடக்கு பகுதியில் மஜத வேட்பாளர் பி ஏ மொகிதீன் பாவாவின் ஆதரவாளர்கள் தங்களைத் தாக்கியதாக காங்கிரஸ் தொண்டர்கள் பாஜ்பே போலீஸ் நிலையத்தில் புகார் அளித்தனர். பதிலுக்கு காங்கிரஸ் கட்சியின் தங்களை தாக்கியதாக மஜத தரப்பும் புகார் அளித்துள்ளது.
May 10, 2023, 2:54 pm IST

வாக்களித்த பிறகு செய்தியாளர்களிடம் பேசிய ம.ஜ.த தலைவரும் முன்னாள் பிரதமர் தேவகவுடா, "இது ஒரு சிறிய கிராமம். ஆனால், கிராமத்தில் வளர்ச்சி பணி அனைத்தும் சிறப்பாக உள்ளது. இதற்கு மஜத எம்எல்ஏ ரேவண்ணா தான் காரணம். மக்கள் அனைத்தையும் உணர்ந்தே வாக்களிப்பார்கள்" என்றார்.
May 10, 2023, 2:41 pm IST

கர்நாடக மாநில அமைச்சரும், திப்டூர் பாஜக வேட்பாளருமான பி.சி.நாகேஷ் அவரது குடும்பத்தினருடன் வந்து வாக்களித்தார்.
May 10, 2023, 2:34 pm IST

காங்கிரஸ் அல்லது லட்சுமண ராவ்; ரமேஷ் ஜார்கிகோளி

காங்கிரஸ் அல்லது லட்சுமண ராவ்; ரமேஷ் ஜார்கிகோளி
பாஜக - கோகாக் ஜார்கிகோளி ரமேஷ் லட்சுமண ராவ் கோகாக் தொகுதியில் தொடர்ந்து 6 தேர்தல்களில் வெற்றி பெற்றுள்ளார். முதல் ஐந்து தேர்தல்களில் காங்கிரஸ் கட்சி சார்பில் வென்றிருந்தார். கடைசியாக 2018இல் அவர் பாஜக சார்பில் போட்டியிட்டு வென்றார். இப்போது காங்கிரஸ் கட்சிக்கு எதிராக மீண்டும் அவர் களமிறங்குகிறார்.
May 10, 2023, 2:31 pm IST

கர்நாடக தேர்தலில் கன்னட நடிகர் கிச்சா சுதீப் இன்று வாக்களித்தார். அதன் பிறகு பேசிய அவர், "ஒவ்வொருவருக்கும் ஒவ்வொரு பிரச்சினைகள் இருக்கும்... ஒருவர் தங்கள் பிரச்சினைகளை மனதில் வைத்து அதற்கேற்ப வாக்களிக்க வேண்டும். நான் ஒரு பிரபலமாக இங்கு வரவில்லை, இந்தியனாக இங்கு வந்துள்ளேன், அது எனது பொறுப்பு" என்றார்.
May 10, 2023, 2:21 pm IST

தேர்தலுக்கு பின்னரும் ம.ஜ.த கட்சியுடன் எந்த நிலையிலும் கூட்டணி அமைக்க மாட்டோம் என்று கர்நாடக காங்கிரஸ் தலைவர் சிவக்குமார் திட்டவட்டமாக தெரிவித்துள்ளார்.
May 10, 2023, 2:14 pm IST

மைசூர் மகாராணியை ஓட்டுபோட விடாமல் அரண்மனைக்கு திருப்பி அனுப்பிய அலுவலர்!
Read More
May 10, 2023, 2:13 pm IST

விஜயாப்புரா மாவட்டம் பசவனபாகேவாடி மசபினாலா கிராமத்தில் கூடுதல் வாக்குப்பதிவு இயந்திரம், விவிபேட் இயந்திரம் வைக்கப்பட்டு இருந்தது. இதையடுத்து அந்த கூடுதல் இயந்திரங்களை தேர்தல் அலுவலர்கள் இன்னொரு பூத்துக்கு எடுத்து சென்றனர். அப்போது வாக்காளர்கள் அவர்களை தடுத்து கேள்வி கேட்டனர். அலுவலர்கள் சரியான வகையில் பதில் அளிக்கவில்லை. இதனால் கோபமடைந்த வாக்காளர்கள் அலுவலர்களை தாக்கி காரை சேதப்படுத்தி ஓட்டுப்பதிவு இயந்திரம் மற்றும் விவிபேட் இயந்திரங்களை ரோட்டில் வீசி உடைத்தது பரபரப்பை ஏற்படுத்தியது.
READ MORE

More From
Prev
Next
Read more about:

karnataka election 2023 karnataka assembly election 2023 bjp congress jds கர்நாடக தேர்தல் 2023 கர்நாடக சட்டசபைத் தேர்தல் 2023 பாஜக காங்கிரஸ் ஜேடிஎஸ் politics

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out