கர்நாடகா பட்ஜெட் 2024: காவிரியின் குறுக்கே மேகதாது அணையை கட்டியே தீருவோம்: சித்தராமையா கொக்கரிப்பு!

கர்நாடகா சட்டசபையில் 2024-25-ம் ஆண்டுக்கான நிதி நிலை அறிக்கையை மாநில முதல்வர் சித்தராமையா இன்று தாக்கல் செய்தார். முதல்வர் சித்தராமையா தாக்கல் செய்த நிதிநிலை அறிக்கை (பட்ஜெட் 2024)யில் இடம் பெற்ற முக்கிய சில அம்சங்கள்:

• காவிரியின் குறுக்கே மத்திய அரசின் உரிய அனுமதி பெற்று மேகதாது அணையை கட்டுவோம்

• சஞ்சீவினி கஃபே என்ற பெயரில் பெண்களே நடத்தும் கஃபேக்கள் ரூ7.50 கோடியில் செயல்படுத்தப்படும்.

• மத்திய பாஜக அரசின் ஜிஎஸ்டி வரி விதிப்பால் கர்நாடகாவுக்கு ரூ59,274 கோடி இழப்பு ஏற்பட்டுள்ளது

• நாட்டிலேயே ஜிஎஸ்டி வரி வசூலில் கர்நாடகா 2-வது மாநிலமாக உள்ளது. ஆனால் மத்திய பாஜக அரசோ ஜிஎஸ்டி வரி வசூலில் போதிய பங்கை கர்நாடகாவுக்கு தரவில்லை.

• ஐந்து மக்கள் நலத் திட்டங்களுக்கு ரூ 57,000 கோடி நிதி ஒதுக்கீடு செய்யப்படுகிறது.

• மாநிலத்தின் தாலுகாக்களில் 100 படுக்கைகளுடன் மருத்துவமனைகள் கட்டப்படும்

• விஸ்வேஸ்வரய்யா பொறியியல் கல்லூரி, ஐஐடி தரத்துக்கு ரூ500 கோடியில் மேம்படுத்தப்படும்.

• முதல் நிலை கல்லூரிகள், பாலிடெக்னிக்குகள் மேம்பாட்டுக்கு கூடுதல் நிதி ஒதுக்கப்படும்.

• கர்நாடகாவின் மண்டலங்களில் உணவுப் பதப்படுத்தும் நிறுவனங்கள் அமைக்கப்படும்.

• கர்நாடகா அரசு 2.8 பில்லியன் டாலர் அன்னிய நேரடி முதலீடுகளைப் பெற்றுள்ளது.

• மகளிர் உதவி தொகை திட்டத்தின் கீழ் ரூ 11,726 கோடி பயனாளர்களின் வங்கி கணக்கில் செலுத்தப்பட்டுள்ளது.

• கர்நாடகாவில் மேலும் 4 தாய்ப்பால் வங்கிகள் அமைக்கப்படும்.

• தாழ்த்தப்பட்ட, பழங்குடியினர் மற்றும் பிற்படுத்தப்பட்ட வகுப்பினருக்கான பள்ளிகள், விடுதிகள் கட்ட ரூ2,710 கோடி நிதி ஒதுக்கீடு.

• தாழ்த்தப்பட்டோர், பழங்குடியினர் மேம்பாட்டுக்கு ரூ 39,121 கோடி நிதி ஒதுக்கீடு

• பெண்கள்- குழந்தைகள் மேம்பாட்டுக்கு ரூ86,423 கோடி, ரூ54,617 கோடி நிதி ஒதுக்கீடு

• அங்கன்வாடி மேம்பாட்டுக்கு ரூ300 கோடி

• Anjanadri Hills சுற்றுலா மேம்பாட்டுக்கு ரூ100 கோடி நிதி ஒதுக்கீடு

• வருணா தொகுதியில் கால்வாய்கள் சீரமைப்புக்கு ரூ2,000 கோடி நிதி ஒதுக்கீடு

• குடிநீர் திட்டங்களுக்கு 'ரூ 970 கோடி நிதி ஒதுக்கீடு

English summary

Karnataka Chief Minister Siddaramaiah said that they will build Mekedatu Dam.