அடேங்கப்பா! 115% உயர்ந்த பாஜக அமைச்சர் அசோக்கின் சொத்து மதிப்பு.. யாரை எதிர்த்து போட்டி தெரியுமா?

பெங்களூர்: கர்நாடக மாநிலத்தில் பாஜக அரசின் வருவாய்த்துறை அமைச்சராக இருக்கும் அசோக்கின் சொத்து மதிப்பு 115 சதவீதம் உயர்ந்துள்ளது. ஐந்து ஆண்டுகளுக்கு முன்பாக அவரது பொறுப்புகள் 2.49 கோடியாக இருந்த நிலையில் தற்போது ரூ.9.56 கோடியாக அதிகரித்துள்ளது.

224 சட்டமன்ற தொகுதிகளை கொண்ட கர்நாடகாவில் வரும் மே 10 ஆம் தேதி சட்டமன்ற தேர்தல் நடைபெறுகிறது. இங்கு தனிப்பெரும்பான்மையுடன் ஆட்சியை பிடிக்க 113- இடங்களில் வெற்றி பெற்றாக வேண்டும்.

மே 13ல் ஓட்டு எண்ணிக்கை நடைபெற இருக்கிறது. தற்போது வேட்புமனு தாக்கல் தொடங்கி நடைபெற்று வருகிறது. வேட்பு மனு தாக்கல் இன்றுடன் முடிவடைய உள்ள நிலையில், வேட்பு மனு தாக்கல் தீவிரம் அடைந்துள்ளது.

பாஜக, காங்கிரஸ், ஜேடிஎஸ் உள்பட அனைத்து கட்சிகளின் வேட்பாளர்களும் தங்கள் வேட்பு மனுவை தாக்கல் செய்து வருகின்றனர். வேட்பு மனுவுடன் சொத்து விவரங்கள் அடங்கிய பிரமாணப்பத்திரமும் தாக்கல் செய்ய வேண்டும். அதன்படி வேட்பாளர்கள் தங்களது சொத்து விவரங்களையும் தாக்கல் செய்துள்ளனர். அந்த வகையில், கர்நாடகாவில் செல்வாக்கு மிக்க பாஜக தலைவர்களில் ஒருவராக விளங்கும் அசோக்கின் சொத்து மதிப்பு விவரங்கள் வெளியாகியுள்ளன.

அசோக்கின் சொத்து மதிப்பு 5 ஆண்டுகளில் மட்டும் 115 சதவீதம் உயர்ந்து இருக்கிறது. அசோக்கிற்கு கடந்த 5 ஆண்டுகளுக்கு முன்பாக ரூ.3.73 கோடி அசையும் சொத்துக்கள் இருப்பதாக கூறியிருந்தார். ஆனால், தற்போது அவரது அசையும் சொத்துக்களின் மதிப்பு 12.31 கோடியாக உயர்ந்துள்ளது. இதில் அவரது மனைவி வாங்கிய 12 லட்சம் மதிப்பிலான தங்க, வைர நகைகளும் அடங்கும்.

அசோக்கின் பொறுப்புகளும் 282 சதவீதம் உயர்ந்துள்ளது. ஐந்து ஆண்டுகளுக்கு முன்பாக அவரது பொறுப்புகள் 2.49 கோடியாக இருந்த நிலையில் தற்போது ரூ.9.56 கோடியாக அதிகரித்துள்ளது. அசோக் குடும்பத்தினரின் மொத்த சொத்து மதிப்பு ரூ.87.35 கோடியாகும். 2018 ஆம் ஆண்டு ரூ.40.62 கோடியாக இருந்தது.

கர்நாடகாவில் முதல்வர் பசவராஜ் பொம்மை தலைமையிலான அமைச்சரவையில் வருவாய்த்துறை அமைச்சராக இருக்கும் அசோக் பத்மநாபநகர் தொகுதியில் 3 முறை தொடர்ந்து வெற்றி பெற்றிருக்கிறார். தற்போது 4-வது முறையாக இந்த தொகுதியில் போட்டியிடுகிறார். இது தவிர கர்நாடக காங்கிரஸ் தலைவர் டிகே சிவக்குமாருக்கு எதிராகவும் கனகபுரா வேட்பு மனுவை தாக்கல் செய்துள்ளார்.

English summary

Ashok, who is the revenue minister of the BJP government in Karnataka, has seen a 115 percent increase in his assets. Five years ago, his liabilities were Rs 2.49 crore and now they have increased to Rs 9.56 crore.